Posted: 12/01/2012 06:34 PM IST

కేంద్ర పర్యాటక శాఖ మంత్రి చిరంజీవి  మరో ఘనత సాధించారు. చిరంజీవి పిఆర్పీ పార్టీ పెట్టినప్పుడు  ఇచ్చిన హామీలను కాంగ్రెస్ పార్టీ ద్వారా రాష్ట్ర ప్రజలకు అందిస్తున్నారు.  చిరంజీవి సామాజిక న్యాయం కోసం పార్టీ పెట్టిన ఆయన కాంగ్రెస్ పార్టీ లో విలేనం చేసేటప్పుడు కూడా తమ హామీలను  సోనియాగాంధీకి వివరించినట్లు తెలుస్తోంది.  కాంగ్రెస్ పార్టీ అధిష్టానం  మంత్రి చిరంజీవి చెప్పిన హామీలను రాష్ట్ర ప్రజలకు అందిస్తుంది.  అలాంటి వాటిలో ఒకటి  ఎస్సీ, ఎస్టీ  సబ్ ప్లాన్ .  ఈ చట్టం పై  మంత్రి చిరంజీవి  సోనియాగాంధీతో చెప్పినట్లు ఢిల్లీ నాయకులు అంటున్నారు. ఎస్సీ, ఎస్టీ సబ్‌ప్లాన్‌కు చట్టబద్ధత తన ఘనతేనని కేంద్రమంత్రి చిరంజీవి చెప్పుకొచ్చారు. పీఆర్పీని కాంగ్రెస్‌లో విలీనం చేసేటప్పుడే ఇలాంటి చట్టం తేవాలని సోనియా గాంధీని తాను కోరినట్టు తెలిపారు. తన సూచన మేరకే సోనియా సబ్‌ప్లాన్ చట్టం తేవాలని రాష్ట్ర ప్రభుత్వానికి చెప్పారని ఆయన మీడియాకు వెల్లడించారు. పీఆర్పీ అజెండా సామాజిక న్యాయం అమలుకు ఈ బిల్లు తొలి అడుగని ఆయన అన్నారు. బీసీ, మైనారిటీ వర్గాలకు సబ్‌ప్లాన్ బిల్లు తీసుకురావాలనే అంశంపై కూడా హైకమాండ్‌ స్పందిస్తుందని ఆయన ఆశాభావం వ్యక్తం చేశారు.