Posted: 11/29/2012 04:14 PM IST

కేసీఆర్ ఢిల్లీలో జరిపిన చర్చల వివరాలు బహిర్గతం చేయాలని టిడిపి అధినేత చంద్రబాబు డిమాండ్ చేశారు. మెదక్ జిల్లాలో వస్తున్నా మీకోసం పాదయాత్రను పూర్తిచేసిన చంద్రబాబు. కేసీఆర్ ఎలాంటి రహస్య ఒప్పందాలు, ప్యాకేజీలు మాట్లాడుకున్నారో ప్రజలకు వివరించాలని డిమాండ్ చేశారు. తెలంగాణపై లేఖ రాస్తే కేంద్ర హోం మంత్రి తనకు తెలియదని అనడం హాస్యాస్పదమని బాబు అన్నారు. వస్తున్నా మీకోసం యాత్రలో చంద్రబాబు జిల్లాలను చుట్టేస్తున్నారు. అనంతపురం జిల్లానుంచి నడక ప్రారంభించినన  చంద్రబాబు కర్నూలు . మహబూబ్ నగర్ రంగారెడ్డి, మెదక్ జిల్లాల్లో మీదుగా నిజామాబాద్ జిల్లాలోకి ప్రవేశించారు. మెదక్ జిల్లాలో చివరిరోజు అలీఖాన్ పల్లి తాండ నుంచి పాదయాత్ర ప్రారంభించారు. కేసీఆర్ ఎవరి ఆహ్వానం మేరకు ఢిల్లీకి వెళ్లారని ప్రశ్నించారు. ఢిల్లీనేతలతో ఆయన జరిపిన చర్చల వివరాలు ప్రజలకు చెప్పాలని డిమాండ్ చేశారు. అక్కడ కుదుర్చుకున్న రహస్యఒప్పందాలు ప్యాకేజీల గురించీ చెప్పాలని డిమాండ్ చేశారు.బడుగు బలహీన వర్గాలకు రాజ్యాధికారం ఇవ్వాలనే లక్ష్యంగా పనిచేస్తున్న పార్టీ ఒక్క టీడీపీనే అని బాబు అన్నారు. ఎస్టీఎస్సీ సబ్ ప్లాన్ చట్టబద్దతను టిడిపి స్వాగతిస్తుందని ప్రకటించారు.  కిష్టాపూర్ లో తెలంగాణ వాదులు బాబు ప్రసంగానికి అడ్డుతగిలారు. తెలంగాణపై టిడిపి వైఖరి స్పస్టం చేయాలని డిమాండ్ చేశారు. దీనికి స్పందించిన బాబు తాను తెలంగాణాకు వ్యతిరేకం కాదని తెలంగాణాకు వ్యతిరేకంగా మాట్లాడలేదని మాట్లాడబోమి ఆయన స్పష్టం చేశారు. జిల్లాలో 11 రోజుల పాటు పర్యటించిన చంద్రబాబు మొత్తం 170 కిలోమీటర్లు నడిచారు.