Posted: 11/29/2012 10:50 AM IST

కాంగ్రెస్ సీనియర్ నాయకుడు ఎంపీ  వీ. హనుమంతరావు ఉదయభాను పై మాటల దాడి చేశాడు. కాంగ్రెస్ ప్రభుత్వం  ఉదయబాను పై కేసు ఎందుకు పెట్టలేదని ఆయన ప్రశ్నించారు.  ఉదయబాను పై సుమోట్ గా కేసు పెట్టేలేదేం ? ఆయన్ని ప్రభుత్వాన్ని నిలదీశారు. అసలు ప్రభుత్వానికి సిగ్గు ఉందా? అని వి.హనుమంతన్న విరుచుకుపడ్డారు.  ఉదయభానును అరెస్ట్  చేసిన  జైల్లో పెట్టాలని ఆయన డిమాండ్ చేశారు. అసలు వి.హనుమంతరావు కు ఉదయభాను పై కోపం ఎందుకు వచ్చింది?  ఉదయభాను గురించి ఈ ముసలయాన ఎందుకు ఆరాట పడుతున్నాడు?  ఉదయభాను కు హనుమంతరావుకు ఉన్న సంబంధం ఏమిటి?  అనే ప్రశ్నలు అందరికి వస్తాయి? కానీ ఇక్కడ ఉదయబాను అంటే  యాంకర్ ఉదయభాను మాత్రం కాదండోయ్?  ఇటీవల కాలంలో హైదరాబాద్ నడిబొడ్డున ఉన్న చంచల్ గూడ  జైల్ గోడలు బద్దలు గొడతాం అని ప్రభుత్వానికి సవాల్ విసిరిన  వైఎస్ఆర్ కాంగ్రెస్ పార్టీ నేత సామినేని ఉదయభాను పై వీహెచ్ విరుచుకుపడ్డారు.  సామినేని ఉదయభాను  వైఎస్ఆర్ కాంగ్రెస్ పార్టీ అధినేత వైఎస్ జగన్మోహన్ రెడ్డిని  జైలు నుండి మేం విడిపించుకుంటామని అన్నారు. 

ఆ సమయంలో  ఉదయభాను  తోడకొట్టి, జైలు గోడలను బద్దలు కొట్టి మా జగనన్నను విడిపించుకొనిపోతాం  అని కిరణ్ సర్కార్కు సవాల్ విసిరిన విషయం తెలిసిందే.  అదీ జరిగి కూడా కొన్ని నెలలు సమయం దాటింది. అవిషయాన్ని అందరు మరిచి పోయారు.  కానీ హనుమంతన్నకు  ఇప్పుడు బలుపు వెలిగింది. ఆ వ్యాఖ్యలు  ప్రభుత్వానికి సిగ్గుచేటని, ఇంతవరకూ  డీజీపీ  పోలీసు కమిషనర్  ఎందుకు  స్పందించలేదని ఆయన   సీరియస్ అయ్యారు. అయితే  వెంటనే  ప్రభుత్వం స్పందించి  ఆ వాఖ్యలపై  తగు చర్యలు తీసుకోవాలని  ఎంపీ డిమాండ్ చేశారు.  చిన్న చిన్న వారిపై  కేసులు పెట్టే  పోలీసులు  ఈ ఉదయభాను మాటలు వినిపించలేదా? అని ఆయన ప్రశ్నించారు.  ఏమైన హనుమంతన్న తన ఫోకస్ ను భలే పబ్లిసిటి చేసుకుంటారని కాంగ్రెస్ నాయకులు గాంధీభవన్ లో  జోకులు వేసుకుంటున్నారని మీడియా వర్గాలు అంటున్నాయి. ఆయనను ఎవరు పట్టించుకోకపోతే .. పాత విషయాలను ఇలా తెరపైకి తెస్తారని కాంగ్రెస్  సీనియర్ నాయకులు  అనుకుంటున్నారు.