Posted: 11/26/2012 06:35 PM IST

ప్రముఖ సినీ నటి, రాజకీయ నాయకురాలు అయిన రోజా ప్రస్తుతం వైయస్ జగన్మోహన్ రెడ్డి పార్టీ అయిన వైయస్సార్ కాంగ్రెస్ పార్టీలో కొనసాగుతున్నారు. గతంలో టీడీపీ పార్టీలో ఉన్న రోజా తరువాత ఈ పార్టీలోకి వచ్చింది. ఇంత వరకు బాగానే ఉన్నా... రోజాకి వైయస్ జగన్ పార్టీ పై కూడా మోజు తీరిందా అనుమానాలు వెల్లువెత్తుతున్నాయి. ఒకప్పుడు తెలుగు దేశం పార్టీలో క్రియాశీలకంగా పని చేసి, తెలుగు మహిళా అధ్యక్షురాలిగా, రెండుసార్లు అసెంబ్లీ స్థానానికి పోటీ చేసి ఓడిపోయిన రోజా వైయస్ పై అభిమానంతో జగన్ పార్టీలో చేరి, తెలుగు దేశం పార్టీ పైనా, చిరంజీవి పైనా, ఇంకా రాజకీయ ప్రత్యర్థుల మీద విమర్శల దాడులు చేస్తూ నిత్యం వార్తల్లో ఉండే రోజా ఈమధ్యన బొత్తిగా కనిపించడం లేదు. వైయస్సార్ కాంగ్రెసు పార్టీలో చేరిన తర్వాత ఉప ఎన్నికల్లో ప్రచారం కూడా చేశారు. వైయస్ జగన్‌కు అత్యంత సన్నిహితులైన నాయకుల్లో ఆమె కూడా ఒకరిగా ముద్రపడ్డారు. కానీ, ఈ మధ్య ఆమె జగన్‌కు దూరమైనట్లు ఊహాగానాలు చెలరేగుతున్నాయి. ఆమె దూకుడే ఆమెకు రాజకీయ పార్టీల్లో కష్టాలు తెచ్చిపెడుతున్నట్లు భావిస్తున్నారు. ఇతర నాయకులకు ఆమె దూకుడు ప్రమాదంగా పరిణమించడం వల్ల ఆమెకు అంతర్గత ప్రత్యర్థులు పెరుగుతున్నారని, దాంతో పార్టీకి దూరం చేసే ప్రయత్నాలను వారు ముమ్మరం చేస్తున్నారని అంటున్నారు. ముఖ్యంగా ప్రాంతీయ పార్టీల్లో ఇటువంటి రోజాలాంటి చురుకైన నాయకులు నెగలలేరనే మాట వినిపిస్తోంది. అంటే రోజా ఏ రాజకీయ పార్టీలో ఉండదనే విషయం అర్థం అయిందని, తనలాగ దూకుడు ప్రదర్శిస్తే రాజకీయాల్లో ఉండటం కష్టమే అని అంటున్నారు. మరి రోజా ఇలా వేరే పార్టీలో ఉండే బదలు సొంత పార్టీ పెట్టుకొని తన దూకుడు ప్రజా సమస్యల పై ప్రదర్శిస్తే బాగుంటుందని ప్రజలు అనుకుంటున్నారు.