Posted: 11/27/2012 10:53 AM IST

ఓఎంసీ కేసులో  నిందితుడైన గాలి జానార్థన్ రెడ్డి గత చరిత్రను  పరిశీలిస్తే  ప్రస్తుతం  బెయిలుకు అనర్హుడని సీబీఐ కోర్టు స్పష్టం చేసింది.  సాక్షులను  బెదిరించడంతోపాటు బెయిల్  కుంభకోణంలోనూ నిందితుడిగా ఉండటాన్ని  ప్రస్తావించింది.  రాజకీయ నాయకుడిగా, పారిశ్రామికవేత్తగా పలుకుబడి ఉన్న వ్యక్తి  అని , దర్యాప్తునకు అడ్డంకులు పుట్టించగలరని  పేర్కొన్న సీబీఐ  వాదనతో  ఏకీభవిస్తూ  గాలి జనార్థన్ రెడ్డి దాఖలు  చేసిన బెయిల్ పిటిషన్ ను సీబీఐ కోర్టు  న్యాయమూర్తి, యు. దుర్గాప్రసాద్ రావు కొట్టేశారు.  ఓఎంసీ కేసులో గాలి జనార్థన్ రెడ్డి  పాత్రకు సంబంధించిన  ప్రాధమిక ఆధారాలున్నాయని, ధన, రాజకీయ, కండ బలం ఉన్న వ్యక్తి అని, ఇందు కోసం అతను ఎంతకైనా తెగిస్తారని  కోర్టుకు సీబీఐ  నివేదించింది. ఇదే కేసులో  సాక్షులైనా  మల్లికార్డున్, ఆంజనేయులుకు బెదిరింపులు రావడం, వారికి రక్షణ కల్పించిన విషయాన్ని  కోర్టుకు వివరించారు.  వీటన్నింటిని పరిగణనలోకి తీసుకున్న  కోర్టు బెయిల్ పిటిషన్ ను కొట్టేసింది.  ఇదే కేసులో సాక్షిగా ఉన్న  శశికుమార్  అనే వ్యక్తికి  చెందిన  కారును ఇటీవల  కడపలో తగులబెట్టారంటూ గాలి, ఆయన అనుచరులపై కూసు నమోదైన విషయాన్నీ  కోర్టు ప్రస్తావించింది.  దీంతో పాటు  బెయిల్ కేసులో నిందితుడిగా ఉన్నందున ఈదశలో  బెయిల్  పొందడానికి అర్హత లేదని స్పష్టం చేసింది.