Posted: 11/09/2012 11:08 AM IST

రాముడు మంచి దేవుడు కాదా?
రాముడు మంచి భర్త కాదా?
అలాంటి రాముడ్ని నేను ఆరాదించాను?
రాముడు ఎటువంటి కారణం లేకుండానే సేతను అడవులకు పంపాడు?
రాముడు తమ్ముడు లక్ష్మణుడు మరింత వరస్ట్ ..
రాముడు సీతను వెదకాలని చెబితే .. ఆమె ముఖం తెలియదన్నాడు లక్ష్మణుడు?
ఈ మాటలు అన్నది ఎవరో తెలుసా.. రామ కీర్తిని చాటిచెప్పే బీజేపి నాయకుడే ఇలా అంటున్నారు.

అసలే వివాదాలతో సతమతమవుతున్న బీజేపీకి మరో తలనొప్పి వచ్చిపడింది. ఇతిహాస రామాయణంలోని రాముడు మంచి భర్త కాదంటూ బీజేపీ నేత, ప్రముఖ న్యాయవాది రాం జఠ్మలానీ సంచలన వ్యాఖ్యలు చేశారు. గడ్కరీని అధ్యక్ష పదవి నుంచి దిగిపోవాలన్న ఆయన తాజా వ్యాఖ్యలతో ఆ పార్టీని మరింత ఇరుకున పడేశారు. ఢిల్లీలో ‘మెన్-ఉమెన్ రిలేషన్‌షిప్’ అనే పుస్తకావిష్కరణ సభలో జఠ్మలానీ ఈ వ్యాఖ్యలు చేశారు. ఒక ప్రశ్నకు సమాధానం ఇస్తూ.. ‘సరైన కారణం లేకుండానే రాముడు సీతను ప్రవాసానికి పంపారు. అందుకే ఆయన మంచి భర్తకాదు’ అన్నారు. భార్యను అడవులకు పంపిన రాముడిని నేను ఎంత మాత్రం సమర్థించనని చెప్పారు. ఎవరో కొందరు మత్స్యకారులు చెప్పినంత మాత్రాన ఆయన తన భార్య సీతను వనవాసానికి పంపడమేనా? అని ప్రశ్నించారు. లక్ష్మణుడు కూడా అంత మంచొడేం కాదంటూ జఠ్మలానీ వ్యాఖ్యానించారు.   

రాముడు చెడ్డ భర్త. ఆయనను నేను ఎట్టి పరిస్థితుల్లోనూ ఆరాధించను. ఎందుకంటే, ఎటువంటి కారణం లేకుండానే తన భార్య సీతను ఆయన అడవులకు పంపించేశాడు. "మత్య్సకారుడు ఏదో అన్నాడన్న చిన్న కారణం (రజకుడు కాకుండా మత్స్సకారుడు అని జెఠ్మలానీ అన్నారు)తో అమాయకురాలైన సీతను అడవులకు పంపేశాడు. రాముడి కంటే లక్ష్మణుడు మరింత చెడ్డవాడు. సీతను రావణుడు ఎత్తుకుపోయినప్పుడు ఆమెను వెతకాల్సిందిగా రాముడు కోరాడు. కానీ, లక్ష్మణుడు ఇందుకు నిరాకరించాడు. ఆమె తనకు వదిన అని, తాను తల ఎత్తి ఎన్నడూ ఆమె ముఖాన్ని చూడలేదని, అందుకని ఆమెను తాను గుర్తించలేనని చెప్పాడు'' అని జెఠ్మలానీ వ్యాఖ్యానించారు. ఇందుకు సభికులంతా పెద్దగా నవ్వారు. స్వామి వివేకానందను, దావూద్ ఇబ్రహింను పోలుస్తూ బీజేపీ అధ్యక్షుడు నితిన్ గడ్కరీ వ్యాఖ్యానిస్తే.. ఇప్పుడు రాముడు, లక్ష్మణుడు మంచి వారు కారంటూ జెఠ్మలానీ వ్యాఖ్యానించడం వివాదాస్పదమవుతోంది.