రూ.200 కోసం కూతురిని రోంపిలోకి దింపిన తల్లి.. మూడు పెళ్లిళ్లు చేసి..

Posted: 02/24/2022 08:48 PM IST

Mother sold her daughter thrice for money got arrested in uttarakhand s rudrapur

సృష్టిలో బిడ్డలకు రక్షణ కవచంలా నిలిచే ఏదైనా శక్తి ఉందంటే.. అదే అమ్మ. పశ్చిమ బెంగాల్ లో ఏకంగా పెద్ద పులి తన బిడ్డలపైకి దూసుకోస్తుందని తెలిసి.. కొడవలి చేత బట్టిన ఓ తల్లి విరోచిత పోరాటం చేసి తన బిడ్డలను కాపాడుకుంది. అది అమ్మ గోప్పతనం. ఎంతటి ఆపద వచ్చినా తాను ఎదుర్కోంటుందే కానీ.. తన బిడ్డకు మాత్రం కష్టం రానివ్వదు. కానీ ఉత్తరాఖండ్ లోని ఓ తల్లి.. అమె చెల్లెళ్లు మాత్రం డబ్బు కోసం బిడ్డ మానానే పణ్ణంగా పెట్టారు. ఏకంగా తన బిడ్డను వ్యభిచార రోంపిలోకి దించారు. అక్కడితే ఆగకుండా మూడు పర్యాయాలు పెళ్లి చేశారు. ఈ తతంతమంతా మానసిక క్షోభను అనుభవించలేని బాధితురాలు పారిపోవడంతో వెలుగులోకి వచ్చింది.

ఉత్తరాఖండ్ ఉదంసింగ్‌ నగర్‌ జిల్లాలోని రుద్రపూర్ జిల్లా పరిధిలోని ఓ మహిళ అమ్మతనానికే అపఖ్యాతిని అపాదించింది. కుమార్తె బతుకును చక్కదిద్దాల్సిన తల్లే డబ్బు కోసం మూడుసార్లు వ్యభిచార రోంపిలోకి దింపి.. మూడు పెళ్లిళ్లు చేసింది. తన బిడ్డను మూడుసార్లు అమ్మేసింది. తర్వాత తిరిగి ఇంటికి చేరుకునేలా చేసుకుంది. ఈ విధంగా మరోసారి విక్రయించేందుకు ప్రయత్నించిందామె. అయితే ఈసారి నాటకీయంగా జరిగిన వ్యవహారంలో పోలీసులకు చిక్కింది. ఈ ఘటనకు సంబంధించి ఇరువై రోజుల క్రితం బాధితురాలి తల్లి.. తన సోదరిపై ఫిర్యాదు చేసింది.

తన సోదరి మిండ్రో.. తన కుమార్తెను తన స్నేహితురాలు రష్మీ ఇంటికి పని కోసం పంపమని తనను కోరిందని, ఇందుకోసం రష్మీ తన కుమార్తెకు డబ్బు చెల్లిస్తానని హామీ కూడా ఇచ్చిందని తెలిపింది. దాంతో రుద్రపుర్‌లోని రష్మీ ఇంటికి నా కుమార్తెను పంపాను. కానీ 20 రోజుల తర్వాత నా కుమార్తె గురించి ఆరా తీస్తే.. ఆమెను మా సోదరి రూ.80,000కు విక్రయించినట్లు తెలిసింది" అని తన సోదరిపై ఆరోపణతో పోలీసులకు ఫిర్యాదు చేసింది ఆ బాలిక తల్లి. కేసు నమోదు చేసుకున్న పోలీసులు.. దర్యాప్తు ప్రారంభించారు. దీంతో అధికారులకు విస్తుపోయే విషయాలు తెలిశాయి. ఈ వ్యవహారంలో బాధితురాలి తల్లి కూడా ఉన్నట్లు తేలింది.

ఏడాదిన్నర కాలంగా ఆమె తన కూతురిని డబ్బు కోసం విక్రయిస్తున్నట్లు వెల్లడైంది. బాధితురాలిని పోలీసులు అదుపులోకి తీసుకున్నారు. "మహిళ తన కుమార్తెను గత ఏడాదిన్నరగా రూ.200ల కోసం వ్యభిచారం చేయిస్తోంది. ఆమెకు మూడు పెళ్లిళ్లు కూడా చేసింది. మూడుసార్లు అమ్మేసింది. ఈసారి కూడా బాలికను విక్రయించింది. అయితే ఆ బాలిక.. విక్రయించిన ప్రదేశం నుంచి పారిపోకపోవడం వల్ల ఆ మహిళ తన సోదరిపై ఫిర్యాదు చేసింది" అని ఉదమ్సింగ్ నగర్ ఎస్పీ మమతా బోహ్రా తెలిపారు. ఈ కేసులో బాధితురాలి తల్లి, తన సోదరి సహా మరో ముగ్గురిని పోలీసులు అరెస్ట్ చేశారు. ఈ ఘటనపై లోతుగా దర్యాప్తు చేస్తున్నట్లు అధికారులు తెలిపారు.