సుమారు 15 ఏండ్లు హిందువుగా అందరినీ నమ్మించిన బంగ్లాదేశ్ మహిళను ఎట్టకేలకు పోలీసులు అరెస్ట్ చేశారు. విదేశీయుల ప్రాంతీయ నమోదు కార్యాలయం నుంచి అందిన సమాచారం మేరకు మూడు నెలలపాటు వెతికిన పోలీసులు చివరకు 27 ఏండ్ల మహిళను అదుపులోకి తీసుకున్నారు. కర్ణాటక రాజధాని బెంగళూరులో ఈ ఘటన జరిగింది. బంగ్లాదేశ్కు చెందిన రోనీ బేగం, 12 ఏండ్ల వయసులో భారత్లోకి అక్రమంగా ప్రవేశించింది. పాయల్ ఘోష్గా పేరు మార్చుకున్నది. పశ్చిమ బెంగాల్కు చెందిన యువతిగా పేర్కొంటూ కొంతకాలం ముంబైలోని బార్లో డ్యాన్సర్గా పనిచేసింది. ఈ సమయంలో మంగళూరుకు చెందిన డెలివరీ ఎగ్జిక్యూటివ్ నితిన్ కుమార్ను ప్రేమించి పెండ్లి చేసుకున్నది.
పెండ్లి తర్వాత ఈ జంట 2019లో బెంగళూరులోని అంజననగర్లో స్థిరపడింది. హిందువుగా చెప్పుకుంటున్న ఆ మహిళ టైలర్గా పనిచేస్తున్నది. కాగా, ముంబైలో ఉన్న సమయంలోనే ఈ జంట పాన్ కార్డులను సమకూర్చుకున్నది. తర్వాత బెంగళూరులోని నితిన్ స్నేహితుడి సహాయంతో ఆధార్ కార్డులు పొందారు. అయితే, రోనీ బేగం తండ్రి మూడు నెలల కిందట మరణించారు. దీంతో తండ్రిని కడసారి చూసేందుకు, అంత్యక్రియల కోసం బంగ్లాదేశ్ వెళ్లాలని ఆమె భావించింది. దీని కోసం తొలుత కోల్కతా వెళ్లింది. అక్కడి నుంచి ఢాకా వెళ్లేందుకు ప్రయత్నించగా ఆమె పాస్పోర్ట్పై ఇమిగ్రేషన్ అధికారులకు అనుమానం కలిగింది. ఆ మహిళను ప్రశ్నించగా అక్రమంగా భారత్కు వలసవచ్చినట్లుగా గుర్తించారు. బంగ్లాదేశ్కు వెళ్లకుండా అడ్డుకున్నారు. దీంతో ఆ మహిళ వెంటనే బెంగళూరుకు తిరిగి వచ్చింది.
మరోవైపు, విదేశీ ప్రాంతీయ నమోదు కార్యాలయం నుంచి ఆ మహిళ సమాచారం బెంగళూరు పోలీసులకు అందింది. దీంతో బ్యాదరహళ్లి పోలీసులు అక్రమ చొరబాటు కింద కేసు నమోదు చేశారు. మూడు నెలలుగా ఆ మహిళ కోసం వెతికారు. చివరకు బెంగళూరు శివారులో ఉంటున్నట్లు తెలుసుకుని అరెస్ట్ చేశారు. ఆమె భర్త నితిన్ పరారీలో ఉన్నాడు. కాగా, అక్రమంగా పాన్ కార్డు, ఆధార్ కార్డు పొందేందుకు ఈ జంటకు సహకరించిన వ్యక్తులను గుర్తించేందుకు బెంగళూరు పోలీసులు ప్రయత్నిస్తున్నారు. అలాగే బంగ్లాదేశ్ మహిళ అక్రమ వలసకు సహకరించిన నిందితులను అరెస్ట్ చేసేందుకు కోల్కతా, ముంబైతోపాటు ఇతర నగరాలలో సోదాలు నిర్వహిస్తున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more