పెళ్లికి ముందే వధువు చెంప చెల్లుమనిపించిన వరుడు.. గట్టి షాక్

Posted: 01/22/2022 03:49 PM IST

పెళ్లి అన‌గానే ముందుగా గుర్తు వ‌చ్చేది డీజే సౌండ్లు, డ్యాన్స్‌లు.. ఆ వివాహ వేడుకంతా ఉత్సాహంగా సాగిపోవాల‌ని వ‌ధూవ‌రులు ఇద్ద‌రూ కోరుకుంటారు. ఓ తీపి గుర్తుగా ఉండిపోయేలా వివాహ వేడుక‌ను నిర్వ‌హించుకుంటారు. కానీ ఇక్క‌డ ఇందుకు విరుద్ధంగా జ‌రిగింది. పెళ్లి మండ‌పంలో డ్యాన్స్ చేసిన వ‌ధువును వ‌రుడు ఆమె చెంప‌పై లాగి కొట్టాడు. దీంతో త‌న‌కు ఈ పెళ్లి ఇష్టం లేద‌ని చెప్పి వ‌రుడికి వ‌ధువు దిమ్మ‌తిరిగే షాకిచ్చింది. ముందుగా నిర్ణ‌యించిన ముహుర్తానికే మ‌రొక‌రితో ఆమె వివాహం చేసుకుంది.

త‌మిళ‌నాడు క‌డ‌లూరు జిల్లాలోని ప‌న్రూటి గ్రామానికి చెందిన ఓ వ్యాపారి కుమార్తెతో ఓ యువ‌కుడికి జ‌న‌వ‌రి 20న పెళ్లి చేయాల‌ని నిర్ణ‌యించారు. అయితే జ‌న‌వ‌రి 19న ప‌న్రూటికి స‌మీపంలోని ఓ ప్ర‌యివేటు వెడ్డింగ్ హాల్‌లో రిసెప్ష‌న్ నిర్వ‌హించారు. వెడ్డింగ్ హాల్‌కు చేరుకున్న న‌వ వ‌ధువు త‌న బంధువుల‌తో క‌లిసి డ్యాన్స్ చేసింది. ఆమె డ్యాన్స్ చేయ‌డం వ‌రుడికి న‌చ్చ‌లేదు. అంద‌రూ చూస్తుండ‌గానే వ‌ధువు చెంప‌పై వ‌రుడు లాగి కొట్టాడు. దీంతో త‌న‌కు ఈ పెళ్లి ఇష్టం లేద‌ని తండ్రికి కూతురు తెగేసి చెప్పింది. తండ్రి కూడా అంగీక‌రించాడు. ఆ త‌ర్వాత ముందుగా నిర్ణ‌యించిన ముహుర్తానికే త‌మ స‌మీప బంధువుతో ఆ అమ్మాయికి వివాహం జ‌రిపించారు.