ITEMVIDEOS: సూపర్ మార్కెట్లోకి అనుకోని అతిథి.. మహిళా కస్లమర్ షాక్

Posted: 08/20/2021 12:49 PM IST

ఓ సూపర్ మార్కెట్ లోకి అనుకోని అతిధి వచ్చింది. షాపింగ్ చేస్తున్న ఓ మహిళా కస్టమర్ కు షాకిచ్చింది. అదేంటి సూపర్ మార్కెట్లోకి అనుకోని అతిథి వస్తే మహిళా కస్టమర్ ఎందుకు షాక్ కు గురయ్యారంటారా.? సూపర్ మార్కెట్ లోకి వచ్చిన అనుకోని అతిథి మరెవరో కాదు ఏకంగా పది అడుగుల మేర ఉన్న కొండచిలువ. మార్కెట్ కు వచ్చిన కస్లమర్లతో పాటు, సిబ్బందిని కూడా కాసేపు కంగారు పెట్టించింది. దీంతో కొంతసేపు సూపర్ మార్కెట్లో సిబ్బందితో పాటు కస్టమర్లు కూడా కొంత కలవరానికి గురయ్యారు.

సిడ్నీ నగర శివారల్లోని వాయువ్య ప్రాంతంలోని గ్లినోరీలో వున్న చెయిన్ సూపర్ మార్కెట్ సంస్థ వూల్ వర్త్స్.. స్టోర్ ఉంటుంది. ఆ సూపర్ మార్కెట్ హిలైనా అలేటి అనే మహిళ షాపింగ్ చేసేందుకు బ్రౌసింగ్ చేస్తోంది. ఇంతలో తన వంటగదిలోకి కావాల్సిన మసాలా, పప్పు దినుసులు తీసుకునేందుకు అవి వున్న ప్రాంతానికి చేరుకుంది. అయితే అప్పటికే అక్కడున్న కొండచిలువ అమెను చూసింది. కానీ అమె దానిని గమనించలేదు. ఇంతలో ఏదో శబ్దం కావడంతో అమె వెంటనే వెనక్కు తిరిగింది. ఇంతలో ఏకంగా ఆ కొండ చిలువ ఏకంగా ఎనమిది ఇంచుల ముందుకు వచ్చి తన తలను బయటకు పెట్టింది.

దీంతో కంగారుపడిన అమె.. వెంటనే తేరుకుని.. దానిని పట్టుకుంది. ఒ బ్యాగులో దానిని వేసి.. తరువాత దానిని సమీపంలోన అటవీ ప్రాంతంలో విడిచిపెట్టింది. ఈ సందర్భంగా హిలైనా అలేటి మాట్లాడుతూ.. తాను దానిని చూడగానే భయపడ్డానని, అయితే తాను స్వయంగా విషపూరిత పాములను పట్టుకునేందుకు శిక్షణ పోందిన క్రమంలో దానిని పట్టుకున్నానని, తెలిపింది. అయితే అది విషపూరితమైన కొండచిలువ కాదని.. అది డైమండ్ పైథాన్ అని తెలిపింది. అది స్టోర్ లో స్పైస్ జార్లు ఉంచే సెల్ఫ్ లో కనిపించిందని తెలిపింది. తానును భయపడలేదు.. కానీ సడెన్ గా కనిపించే సరికి కొంత షాక్ అయ్యానని ఆమె చెప్పింది. అయితే సూపర్ మార్కెట్ లోకి పాము ఎలా వచ్చిందో తెలియడం లేదు. సూపర్ మార్కెట్ లో పాముకి సంబంధించిన వీడియో వైరల్ గా మారింది.