విద్యార్థులను ఆకర్షించి వారి నుంచి పెద్ద మొత్తంలో వ్యాపారం చేసుకుని మంచి లాభాలను గడించాలని ఆశించిన ప్రపంచ దిగ్గజ ఈ-కామర్స్ సంస్థ అమెజాన్ చేసిన ప్రయత్నం వికటించింది. కొండ నాలుకకు మందేస్తే ఉన్న నాలుక ఊడిందన్న చందాన.. ప్రతీసారి విద్యార్ధులను లేక కస్టమర్లకు గాలం వేసి.. ఆఫర్లు ప్రకటించి సొమ్ము చేసుకునే సంస్థకు అదే ఆపర్లలోని లోపంతో కోట్లాది రూపాయాల శఠగోపం పెట్టారు విద్యార్థులు. అమాజాన్ చేసిన ఆపర్లలోని లోపాన్ని గ్రహించిన విద్యార్థులు దానినే అసరాగా చేసుకుని ఉచిత కొనుగోళ్లతో అమెజాన్ను ఖాళీ చేశారు.
ఏకంగా పదిరోజుల పాటు ఈ ఉచిత హంగామా కొనసాగగా.. కొందరు విద్యార్థులు తాము కొనుగోలు చేసిన వస్తువులతో తమ ఇళ్లను నింపేశారు. అలాంటిదేం లేదే.? అంటారా.? ఈ ఆఫర్ అందరికీ కాదండీ కేవలం బ్రిటన్ లోని విద్యార్థులకు మాత్రమే.. దీంతో అక్కడి విద్యార్థులే అమాజాన్ సంస్థను డొల్ల చేశారు. ఈ ఘటన పూర్తి వివరాల్లోకి వెళ్తే.. యూకేలో చదువుకుంటున్న విద్యార్థులను ఆకర్షించేందుకు అమెజాన్ ‘వెల్కమ్5’ అనే కూపన్ కోడ్ను ప్రవేశపెట్టింది. తొలిసారి కొనుగోలు చేసే వారు ఈ కూపన్కోడ్ను ఎంటర్ చేస్తే రూ.450 రాయితీ లభిస్తుంది. అంతే మొత్తంలో ఉన్న వస్తువులను కొనుగోలు చేస్తే పూర్తిగా ఉచితం.
అయితే, ఈ కోడ్ ఒక్కసారి మాత్రమే పనిచేస్తుందని పేర్కొంది. విద్యార్థులు ఈ అవకాశాన్ని చక్కగా ఉపయోగించుకున్నారు. కాగా, వాడిన తరువాత కూడా మళ్లీ అదే కూపన్ కోడ్ ను ఎంటర్ చేయగా, మరోమారు తమకు రాయితీ అందింది. ఈ కూపన్ మళ్లీ మళ్లీ ఎంటర్ చేసినా.. మళ్లీ మళ్లీ పనిచేస్తూ.. విద్యార్థుల పాలిట కల్పతరువులా మారింది. ఇంకేముంది విద్యార్థులు తమకు అవసరమైన వస్తువులను తీసుకుని తమ ఇళ్లలో నింపేసుకున్నారు. మరికోందరు తమ వస్తువులను తమ తల్లిదండ్రుల ఇంటికి కూడా పంపారు. ఈ విషయం క్షణాల్లోనే బ్రిటన్ మొత్తం పాకేసింది.
దీంతో అందివచ్చిన అవకాశాన్ని విద్యార్థులు సద్వినియోగం చేసుకున్నారు. రోజంతా బుకింగ్లతోనే గడిపేశారు. వందలాది వస్తువులను ఆర్డర్ చేశారు. టూత్ పేస్టును కూడా వారు వదల్లేదు. ఒకానొక దశలో టాప్ సెల్లింగ్ లిస్ట్లో అదే ఉండడం గమనార్హం. దాదాపు పదిరోజులపాటు ఈ కొనుగోళ్ల జాతర సాగినా జరిగిన పొరపాటును అమెజాన్ గుర్తించలేకపోయింది. అయితే, అప్పటికే జరగాల్సిన నష్టం జరిగిపోయింది. సంస్థకు కోట్లాది రూపాయల నష్టం వాటిల్లింది. దీనిపై విద్యార్థులు స్పందిస్తూ.. అమెజాన్ లాంటి సంస్థకు ఇదేమంత పెద్ద నష్టం కాబోదని వ్యాఖ్యానిస్తున్నారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more