ITEMVIDEOS: ఢిల్లీ సీఎం కేజ్రీవాల్ కు పరాభవం.. నడిరోడ్డుపై చెంపదెబ్బ..

Posted: 05/04/2019 07:46 PM IST

Delhi cm arvind kejriwal slapped by man during roadshow in delhi

ఢిల్లీ సీఎం, ఆప్ చీఫ్ అరవింద్ కేజ్రీవాల్ కు మరోసారి చేదు అనుభవం ఎదురైంది. ఆయన తన అనుచరులతో కలసి నిర్వహిస్తున్న ఎన్నికల ర్యాలీలో ఓ యువకుడు ఆయన చెంపను చెళ్లుమనిపించాడు. ఈ ఘటనతో ఢి్ల్లీలో పోలీసుల భద్రత ఎంత పటిష్టంగా వుందో మరోసారి రూడీ అయ్యింది. దేశ రాజధానిలో.. ఆ ప్రాంత ముఖ్యమంత్రికే భద్రత కరువైంది. ఓ గేుర్తు తెలియని యువకుడు ఏకంగా ముఖ్యమంత్రి ఎన్నికల ర్యాలీలోకి చోచ్చుకోచ్చి.. ఆయన వాహనం ఎక్కి మరీ ఆయనపై దాడికి పాల్పడుతున్నా.. పోలీసులు ఏం చేస్తున్నారన్నది ప్రశ్నార్థకంగా మారింది.

ఎన్నికల ప్రచారంలో భాగంగా ఢిల్లీలోని మోతీ నగర్ కాలనీలో రోడ్ షో నిర్వహిస్తుండగా ఈ ఘటన చోటుచేసుకుంది. గుర్తు తెలియని వ్యక్తి కేజ్రీవాల్‌పై చేయి చేసుకున్నాడు. కేజ్రీవాల్ చెంప మీద కొట్టాడు. ఓపెన్ టాప్ జీప్ లో లోక్ సభ ఎన్నికల ప్రచారం నిర్వహిస్తుండగా రెడ్ కలర్ టీ షర్ట్ ధరించిన వ్యక్తి ముందు వైపు నుంచి జీప్ ఎక్కి.. కేజ్రీవాల్ ను చెంప దెబ్బ కొట్టాడు. ఒక్కసారిగా జరిగిన ఈ పరిణామంతో అరవింద్ కేజ్రీవాల్ హతాశులయ్యారు. ఆయనతో పాటు పార్టీ నేతలు, కార్యకర్తలు కూడా షాక్ కు గురయ్యారు.

వెంటనే తేరుకున్న కేజ్రీవాల్ అనుచరులు, ఆప్ నాయకులు దాడి చేసిన యువకుడ్ని కిందకు లాగి కొట్టారు. అప్పటి వరకు ఎక్కడున్నారో తెలియని పోలీసులు మాత్రం.. మేమున్నామంటూ జోక్యం చేసుకుని దాడి చేసిన వ్యక్తిని అదుపులోకి తీసుకుని మోతీ నగర్ పోలీస్ స్టేషన్‌కు తరలించి విచారిస్తున్నారు. గతంలోనూ కేజ్రీవాల్‌ పై ఇలాంటి భౌతిక దాడులు జరిగినా.. వాటి విచారణ ఎంత వరకు వచ్చిందో తెలియలేదు. ఇక ఈ సారి పోలీసులు ఏం తేల్చనున్నారో వేచి చూడాలి. కాగా, ఎన్నికల ప్రచారంలో బీజేపీని విమర్శించినందుకు ఈ దాడి జరిగినట్లు తెలుస్తోంది.

#WATCH: A man slaps Delhi Chief Minister Arvind Kejriwal during his roadshow in Moti Nagar area. (Note: Abusive language) pic.twitter.com/laDndqOSL4
— ANI (@ANI) May 4, 2019