ITEMVIDEOS: మహిళను వివస్త్రను చేసి వీధుల్లో పరుగెట్టించిన యువకులు

Posted: 12/31/2018 10:30 AM IST

ఉత్తరప్రదేశ్ రౌడీ మూకలను ఏరివేస్తున్నామని.. గ్యాంగ్ స్టర్లకు స్థానం లేకుండా చేస్తున్నామని ప్రభుత్వం, పోలీసులు ఎన్ని ప్రకటనలు చేస్తున్నా.. దుర్మార్గులు, దుష్టుల అఘాయిత్యాలకు దారుణాలకు మాత్రం అంతూపొంతు లేకుండా పోతోంది. యువతులు, మహిళలు కనిపిస్తే చాలు మృగాళ్లు రెచ్చిపోతున్నారు. ఇక ప్రభుత్వం మాత్రం మోరల్ పోలిసింగ్ టీమ్ లను ఏర్పాటు చేశామని చెబుతున్నా.. అక్కడి పరిస్తితుల్లో మాత్రం ఎలాంటి మార్పు కానరావడం లేదు. పోలీసులు ఏకంగా గుండాలపై ఎన్ కౌంటర్ చేసేందుకు మీడియాను వెంటబెట్టుకుని పోయినా.. పోకిరీలలో మాత్రం ఎలాంటి భయం కనిపించడం లేదు.

బీహార్ క్రమంగా గుండా రాజ్ పేరును పోగొట్టుకుంటున్న క్రమంలో, ఉత్తర్ ప్రదేశ్ మాత్రం ఆదే పేరును సొంతం చేసుకుంటుంది. లవ్ జీహాద్ లకు చెక్ పెట్టేందుకు ప్రభుత్వం చేస్తున్న యత్నాలు అకాతాయి యువతను కట్టడి చేయడంలో చర్యలు చేపట్టాలని స్థానికులు కోరుతున్నారు. వేధింపులకు గురైన ఓ మహిళ తనకు వార్నింగ్ ఇవ్వడాన్ని జీర్ణించుకోలేకపోయిన యువకుడు సభ్యసమాజం తలదించుకునే పనిచేశాడు. ఆమె ఇంటికి వెళ్లి బయటకు లాక్కొచ్చి దాడిచేసి, వివస్త్రను చేసి నడి బజార్లో పరుగులు పెట్టించాడు. ఉత్తరప్రదేశ్‌లోని భడోహి జిల్లా గోపీగంజ్ కోట్వాలి ప్రాంతంలో ఈ ఘటన జరిగింది.

పోలీసుల కథనం ప్రకారం.. శనివారం సాయంత్రం ఓ మహిళ బజారు నుంచి ఇంటికి వస్తుండగా ఓ యువకుడు అడ్డగించి అసభ్యంగా ప్రవర్తించాడు. అతడిని ధైర్యంగా ఎదుర్కొన్న ఆమె వార్నింగ్ ఇచ్చింది. దీంతో అవమానభారంతో అక్కడి నుంచి వెనుదిరిగిన యువకుడు ఆమెపై కక్ష పెంచుకున్నాడు. విషయాన్ని తన స్నేహితులకు చెప్పాడు. స్నేహితులు ముగ్గురిని వెంటబెట్టుకుని ఆమె ఇంటికి వెళ్లిన యువకుడు ఆమెను బయటకు లాక్కొచ్చి దాడి చేశాడు. వివస్త్రను చేసి వీధుల్లో పరుగులు పెట్టించాడు.

దుండగుల తనపై అఘాయిత్యం చేస్తారన్న భయంతో రోడ్లపై పరుగులు పెడుతున్న ఆమెను రక్షించేందుకు కనీసం మనిషన్న వాడు ముందుకు రాని పరిస్థితి నెలకొంది. మానవత్వం చచ్చిపోయింది. అకతాయిల చర్యలకు స్థానికులు హడిపోయారా.? అంటే అదేం కాదు. రక్షించండీ, కాపాడండీ అంటూ అర్థనాధాలు పెడుతూ నగ్నంగా పరుగులు పెడుతున్న అమె ఫొటోలు, వీడియోలు తీస్తూ పైశాచిక ఆనందం పొందారు. బాధితురాలి ఫిర్యాదుతో కేసు నమోదు చేసుకున్న పోలీసులు నిందితుల్లో ఒకరిని అదుపులోకి తీసుకున్నారు. మిగతా ముగ్గురి కోసం గాలిస్తున్నారు. నిందితుల చేతిలో గాయపడిన బాధితురాలిని చికిత్స కోసం ఆసుపత్రికి తరలించారు.