పవన్ కల్యాణ్ జనసేనతో సుదీర్ఘకాల అనుబంధం: రామకృష్ణ

Posted: 04/10/2018 06:27 PM IST

జనసేన అధినేత, పవర్ స్టార్ పవన్ కల్యాణ్ పార్టీతో కలసి అడుగులు వేసిన వామపక్ష పార్టీలు విజయవాడలో ప్రత్యేకహోదా కోసం శాంతియుతంగా నిర్వహించిన పాదయాత్రతో మళ్లీ తమకు బెజవాడలో పూర్వవైభవం వచ్చిందన్న భావన ఆయా పార్టీలలో నెలకొందన్నడంలో అతిశయోక్తి కాదు. పవన్ కల్యాణ్ పిలుపుకు బెజవాడ యువతతో పాటు అభిమానులు, పార్టీ కార్యకర్తలతో పాటు ప్రత్యేక రాష్ట్ర కాంక్షతో అనేకమంది పవన్, వామపక్షాలతో కలసి చేసిన పాదయాత్ర సక్సెస్ అయ్యింది. అయితే ముఖ్యనేతలు కార్యక్రమ విజయాలు కాదు తమ ఎందుకు ఈ పాదయాత్ర తలపెట్టామో అ డిమాండ్ నెరవేరితేనే సక్సెస్ సాధించినట్టు అని చెప్పారు.

లక్ష్యం దిశగా అంచెలంచెలుగా పవన్ కల్యాణ్ చేసే పోరాటం.. అంతిమంగా తమకు లక్ష్యం సిద్దించినప్పుడే తమ పోరాటం విజయవంతమైతుందన్న తన అలోచనా ధోరణి పవన్ కల్యాణ్ లో తమకు బాగా నచ్చిన అంశమని సీపీఐ ఏపీ కార్యదర్శి రామకృష్ణ అన్నారు. ఇక వాటి సాధనకోసం ఉద్యమాలు నిర్వహించడం, పోరాటాలలో ముందున్న వామపక్ష పార్టీలులతో మాత్రమే తాను కలసి నడుస్తానని పవన్ స్పష్టం చేయడం తనకు నచ్చిందని అయన అన్నారు. వామపక్షాలు పేదల కోసం పనిచేస్తాయని, ఆ పార్టీల నేతలు త్యాగాలకు సిద్ధంగా ఉంటారని అన్నారు.

తమతో పని చేస్తానని పవన్ ముందుకొచ్చారని, అందుకే తాము ఆయనతో చేతులు కలిపామని చెప్పారు. సీపీఐ రాష్ట్ర కార్యదర్శిగా రామకృష్ణ మరోసారి  ఎన్నికైన సందర్భంగా మీడియాతో మాట్లాడుతూ తన అభిప్రాయాలను పంచుకున్నారు. దీంతో  ఇప్పుడు తమ పార్టీలపై బాధ్యత మరింత పెరిగిందని అన్నారు. కాగా, ప్రత్యేక హోదాను ఇప్పుడు కాకపోతే మరెప్పుడూ సాధించలేమని, తాము మోదీ హఠావో అనే నినాదంతో ముందుకు వెళతామని అన్నారు. ఏపీలో తమ పార్టీకి మెరుగైన భవిష్యత్‌ ఉందని, రాష్ట్రంలో ప్రత్యామ్నాయ రాజకీయ వ్యవస్థను ఏర్పాటు చేస్తామని అన్నారు.