ఔవ్వ.! బిల్ బోర్డుపై అరనిమిషం పాటు.. బూతు వీడియో..

Posted: 03/22/2018 01:36 PM IST

దేశరాజధానిగా బాసిల్లుతున్న నగరం.. నిత్యం రద్దీగా వుండే ప్రాంతంలో ఒక్కసారిగా కలకలం రేగింది. రోడ్డుపై వెళ్లే ప్రయాణికులకు సూచనలు ఇచ్చేందుకు ఏర్పాటు చేసిన పెద్దని బిల్ బోర్డులలో ప్రసారమైన అసభ్యకర, అశ్లీల దృశ్యాలే ఇందుకు కారణమయ్యాయి. అందులోనూ అది రహదారి కావడం.. అటుగుండానే వేలాది మంది నిత్యం ప్రయాణాలు సాగిస్తుండటంతో సంచలనకరంగా మారింది. దీంతో ఆ రహదారి మీదుగా వెళ్తున్న ఒంటరి ప్రయానికులతో పాటు కుటుంబాలు కూడా తీవ్ర ఇబ్బందికి గురయ్యాయి.

ఈ ఘటన ఫిలిప్పీన్స్‌ ఆర్థిక రాజధాని మకాటి ప్రధాన రహదారి మధ్యలో వాహన చోదకులు, పాదచారులతో రద్దీగా ఉన్న ప్రాంతంలో చోటుచేసుకుంది. అక్కడే ఓ పెద్ద భవనంపై ఏర్పాటు చేసిన భారీ ఎలక్ట్రానిక్ బిల్ బోర్డ్ (ప్రకటనల బోర్డు) పై ప్రకటన స్థానంలో అశ్లీల దృశ్యాలు ప్రత్యక్షమయ్యాయి. ఒక్కసారిగా వీటిని చూసిన స్థానికులు నివ్వెరపోయారు. ఈ దృశ్యాలు సుమారుగా అర నిమిషం పాటు ప్రత్యక్షమయ్యాయని వాహనదారులు తెలిపారు. కొందరు వీటిని తమ సెల్ ఫోన్లలో బంధించి సోషల్ మీడియాలో అప్ లోడ్ చేయడంతో అవి కాస్తా వైరల్ గా మారాయి.

ఈ అశ్లీల దృష్యాల ప్రసారంతొ మాకాటిలోని సిటీ సెంటర్ ప్రాంతంలో తీవ్ర రద్దీ ఏర్పడింది. దీనిపై ఫిర్యాదులందడంతో మకాటి మేయర్‌ అబిగేల్‌ బినయ్‌ విచారణకు అదేశించారు. బిల్ బోర్డుపై ప్రసారాల నిర్వహణ వ్యవహారాలను చూస్తున్న గ్లోబల్ ట్రానిక్స్ సంస్థపై తీవ్ర ఆగ్రహం వ్యక్తం చేశారు. ఆ బిల్‌ బోర్డ్‌ ను మూసివేయాల్సిందిగా ఆదేశాలు జారీ చేశారు. అయితే ఎవరో అగంతకులు టీమ్ వ్యూవర్ అనే సాప్ట్ వేర్ తో రహస్య ప్రాంతం నుంచి ఈ అశ్లీల దృశ్యాలను ప్రసారం చేశారని అధికారులు అనుమానాలు వ్యక్తం చేస్తున్నారు. ఈ సాప్ట్ వేర్ తో డెస్క్ టాప్ షేరింగ్, అన్ లైన్ సమావేశాలు, ఫైల్ ట్రాన్స్ ఫర్, సహా ఎక్కడి నుంచైనా కంప్యూటర్లను రహస్యంగా కనెక్ట్ అయ్యే అవకాశాలు వున్నాయని అధికారులు చెప్పారు.