స్నేహం ముసుగులో యువతి కిడ్నాప్, అత్యాచారం

Posted: 09/09/2017 03:51 PM IST

Married man abducts and molests women on pretext of love

నేరప్రవృత్తి అనువనువునా వున్నవారు ఎంతటి కపట నాటకాలకు తెరతీస్తారో ఈ ఘటనలో అర్థమైవుతుంది. యువతితో పరిచయం చేసుకుని తామిక స్నేహితులం అయ్యామని ప్రతినిత్యం మాట్లాడుతారు. ఆ తరువాత ఆ పరిచయాన్ని ప్రణయానికి దారితీసేలా చేస్తారు. ఆనక పెళ్లి చేసుకుంటామని నమ్మించి యువతిని అపహరించి.. నిర్భంధించి.. అమెపై అత్యాచారం చేస్తారు. ఇది ఎక్కడో నిర్జన ప్రాంతంలోకాదు ఏకంగా జనసామార్థ్యం వున్న జనారణ్యంలోనే జరిగిన ఘటన.

బాధితురాలు బయటపడటానికి కారణం నిందితుడి భార్యే కావడం గమనార్హం. హైదరాబాద్ మాదన్నపేట ప్రాంతంలోని సంతోష్ నగర్ లో ఈ ఘటన చోటుచేసుకుంది. సహజీవనం చేసిన యువతిని పెళ్లి చేసుకుంటానని నమ్మించి నిందితుడు అమెను ఓ గదిలో నిర్భంధించి గత వారం రోజులగా ప్రతిరోజు అమెపై అత్యాచారం చేశాడు. నిందితుడి భార్య సహకారంతో తప్పించుకున్న బాధితురాలు నేరుగా సంతోష్ నగర్ పోలీసులను అశ్రయించి పిర్యాదు చేయడంతో ఘటన వెలుగులోకి వచ్చింది.

వివరాల్లోకి వెళ్లే.. సంతోష్ నగర్లో నివసిస్తున్న మిస్బాఉద్దీన్‌ (32)కు మధ్యప్రదేశ్ లోని ఓ ఫుడ్స్‌ సంస్థలో సేల్స్‌ మేనేజర్ గా పనిచేస్తున్న యువతితో పరిచయం ఏర్పడింది‌ అది క్రమంగా స్నేహంగా మారింది. ఆ తరువాత ఇద్దరి మధ్య ప్రేమ చిగురించింది. 2017 ఏప్రిల్లో ఆమెను హైదరాబాద్ కు పిలిచి మెహిదీపట్నంలో సహజీవనం చేశాడు. మిస్బాఉద్దీన్ భార్యకు విషయం తెలిసి.. బాధితురాలికి.. తన గురించి, తమ పిల్లల గురించి చెప్పింది.

వివాహితుడినా.. తాను ప్రేమించిందని.. అవేదన చెందిన బాధితురాలు.. మిస్బావుద్దీన్ తో గొడవ పడి తన సొంత రాష్ట్రం మధ్యప్రదేశ్ కు వెళ్లిపోయింది. అయితే తాను తన భార్యకు విడాకుల్చి వేరుగా వుంటున్నానని నమ్మబలికి ప్రియురాలని మళ్లీ హైదరాబాద్ కు రప్పించిన మిస్బాఉద్దీన్.. భార్య పుట్టింటికి వెళ్లడంతో సంతోష్ నగర్ ఇంటిలోనే ఆమెను వారం పాటు ఒక గదిలో బంధించి అత్యాచారం చేశాడు. భార్య వచ్చిన తరువాత ఆమె సహాయంతో బాధితురాలు తప్పించుకుని పోలీసులకు పిర్యాదు చేసింది. మిస్బాఉద్దీన్ ను అదుపులోకి తీసుకున్న పోలీసులు అతనిపై మోసం, నిర్బంధం, అత్యాచారం కేసులను నమోదు చేసి దర్యాప్తు చేస్తున్నారు.