హరికేన్ ఇర్మా విలయ తాండవంతో అమెరికాతోసహా చాలా మట్టుకు దేశాలు అతలాకుతలం అయిపోతున్నాయి. హరికేన్ ఇర్మా పెను విధ్వంసం సృష్టించింది. ఈ తుపాన్ ధాటికి వేల కొలది ఇళ్లు దెబ్బతినగా, తీరం వెంట చాలా ప్రాంతాలు నీట మునిగాయి. విరిగిపడిన చెట్లు, విద్యుత్ స్తంభాల వల్ల ఇళ్ల పైకప్పులు ధ్వంసమైన దృశ్యాలు భీతిగొల్పుతున్నాయి. సుమారు 39 భవనాలు నేలమట్టయినట్లు తెలిసింది.
ఇప్పటి వరకు ఎవరూ మృతిచెందినట్లు సమాచారం లేదు. విద్యుత్, కమ్యునికేషన్ సేవల పునరుద్ధరణ పనులు ప్రారంభమయ్యాయి. వరద ముప్పు ఇంకా తొలగకపోవడంతో ప్రజలు ఇంట్లో నుంచి బయటకు రావొద్దని అధికారులు హెచ్చరికలు జారీచేశారు. మరో 36 గంటల పాటు వరద ముప్పు ఉంటుందని తెలిపారు.
మరోవైపు, క్యూబాలో సముద్రం ముందుకు దూసుకొచ్చిన సీన్లు చాలా చోట్ల దర్శనమిస్తున్నాయి. సైనికులు ఇర్మా ప్రభావిత ప్రాంతాల ప్రజలను సురక్షిత ప్రాంతాలకు తరలించడంలో నిమగ్నమయ్యారు. బాధితుల కోసం ప్రభుత్వ భవనాలు, పాఠశాలల్లో తాత్కాలిక వసతి కేంద్రాలు ఏటుచేశారు. ఇటీవలే ప్రభుత్వం రిసార్టులు నిర్మించిన ఉత్తర–కేంద్ర తీర ప్రాంతాల నుంచి సుమారు 5 వేల మంది పర్యాటకులను సురక్షిత ప్రాంతాలకు తరలించారు. తూర్పు క్యూబాలో జరిగిన నష్టాన్ని అంచనా వేయడానికి ప్రయత్నిస్తున్నామని రక్షణ శాఖ అధికారి ఒకరు తెలిపారు.
మరొకటి రెడీ...
పుండు మీద కారం లాగా మరో తుఫాన్ 'జోస్' భీకరంగా మారి తీరంవైపు దూసుకొస్తూ తీవ్ర ఆందోళన కలిగిస్తోంది. కరేబియన్ దీవి బార్బుడాను వణికించి, నామరూపాల్లేకుండా చేసిన ఇర్మా వెళ్లిపోయిన నాలుగు రోజుల వ్యవధిలోనే 'జోస్' బయలుదేరింది. కేటగిరీ 4 హెచ్చరికలతో వస్తున్న జోస్, బార్బుడాపై మాత్రం కాస్తంత కరుణ చూపుతూ, మిగతా దీవులపై భారీ వర్షాలతో కరేబియన్ దీవులపై విరుచుకుపడింది. జోస్ మరో మూడు నాలుగు రోజుల తరువాత అమెరికా తీరాన్ని తాకవచ్చని అంచనా. దీంతో అమెరికా గజగజలాడిపోతుంది.
ఎన్నారైల పరిస్థితి...
ఇర్మా హరికేన్ ప్రభావం చాలా తీవ్రంగా ఉందని, ఇప్పటికే తాము సురక్షిత ప్రాంతాలకు వెళ్లామని ఫ్లోరిడా రాష్ట్రంలో ఉంటున్న తెలుగువారు తెలిపారు. అప్రమత్తంగా ఉండాలని స్థానిక యంత్రాంగం హెచ్చరికలు జారీ చేసిందని, ఇళ్లలో కూడా 10 అడుగుల ఎత్తులోనే ఉండాలని అధికారులు సూచించారని వాళ్లు చెబుతున్నారు. అధికారులు ముమ్మరంగా సహాయక చర్యలు కొనసాగిస్తున్నారని, ఎలాంటి ఇబ్బంది తలెత్తకుండా చూస్తున్నారని చెప్పారు. 'ఇర్మా' విరుచుకుపడుతుండటంతో నష్టం చాలా తీవ్రంగా ఉందని, కోలుకోవడానికి చాలా సమయం పడుతుందని వారు అభిప్రాయపడ్డారు. హరికేన్ ప్రభావంతో ప్రచండ గాలులు వీస్తున్నాయని తెలిపారు.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more