మద్యంమత్తులో కన్న కూతర్ని కాటేసిన కాలయముడు..

Posted: 06/03/2017 02:27 PM IST

Man rapes lonely sleeping daughter in andhra pradesh

సభ్య సమాజం సిగ్గుతో తలదించుకునే ఘటన ఆంద్రప్రదేశ్ లోని తూర్పుగోదావరి జిల్లాలో జరిగింది. అదమరిచి నిద్రిస్తున్న ఆ చిన్నారి పట్లు కన్నతండ్రే కాలయముడయ్యాడు. ఆమె బంగారు భవిష్యత్తును మొగ్గలోనే చిదిమేశాడు. మద్యం మత్తులో కన్నకూతురిపైనే కాటు వేశాడు. తూర్పు గోదావరి జిల్లా రాజమహేంద్రవరం రూరల్‌ మండలం కొంతమూరు సంతోష్‌నగర్‌లో ఈ దరాగతం చోటుచేసుకుంది. ఘటనపై సమాచారం అందుకున్న పోలీసులు కేసు నమోదు చేసుకుని దర్యాప్తు చేస్తున్నారు.

ఎలక్ట్రికల్‌ పనులు చేసుకుంటూ జీవించే వ్యక్తికి కాకినాడ ప్రాంతానికి చెందిన ఓ యువతితో వివాహం జరిగింది. వీరికి ఒక బాబు, కూతురు వున్నారు. చెడు వ్యసనాలకు బానిసైన వ్యక్తితో తాను జీవించలేనని, కుటుంబపోషణ అసలు పట్టడం లేదని అతని భార్య అతడ్ని మూడేళ్ల కిందట వదిలి వెళ్లింది. కొడుకు, కూతురును కూడా తనతో తీసుకుని వెళ్లింది. కాగా పిల్లల భవిష్యత్తు కోసం కువైట్ వెళ్లింది. దీంతో అమ్మమ్మ ఇంటి వద్దే పిల్లలు చదువుకుంటున్నారు. కాగా భర్త మాత్రం కొంతమూరులోనే అతని తల్లిదండ్రులతో కలసి వుంటున్నాడు.

కనీసం పిల్లలు వెళ్తేనన్న అతని మనసు మారుతుందని, కుటుంబ పోషణ గురించి అలోచిస్తాడని భావించిన పిల్లల అమ్మమమ వారిని ఓ సారి మీ నాన్న వద్దకు వెళ్లి రావాలని కోరింది. దీంతో అన్నా చెల్లెలిద్దరూ గత నెల 13న తండ్రి వద్దకు వచ్చారు. రాత్రి విద్యుత్ సరఫరా నిలిచిపోవడం. దానికి తోడు ఉక్కపోతతో అతని కుటుంబసభ్యులు అందరూ ఆరుబయట నిద్రిస్తుండగా బాలిక ఒక్కతే ఇంట్లో నిద్రించింది. రాత్రి 12 గంటలకు ఇంటికి వచ్చిన తండ్రి.. కూతురి నోటిని అదిమిపట్టి అత్యాచారం చేశాడు. బాధను భరించలేని ఆ బాలిక.. తండ్రి చేసిన అకృత్యాన్ని అమ్మమ్మకు చెప్పింది. చుట్టుపక్కలవారి సహాయంతో అమె రాజానగరం పోలీసులకు ఫిర్యాదు చేసింది. బాలికను రాజమహేంద్రవరం ప్రభుత్వాస్పత్రికి తరలించి చికిత్స అందిస్తున్నామని సీఐ కె.వరప్రసాద్‌ తెలిపారు.