దాచుకోవాల్సిన విషయాన్ని బయటపెట్టిన నటి రియాసేన్

Posted: 03/07/2017 08:47 PM IST

హోటల్‌‌కు వెళ్లి అదేదో పరద్యానంలో వున్న నటి తినడానికి బదులుగా అదేదో అర్ఢర్ ఇచ్చి నవ్విపోదురు గాక నాకేటి సిగ్గు అన్నట్లుగా వ్యవహరించింది. ఎప్పుడో చేసిన ఈ తప్పును తాజాగా బయట పెట్టేసింది. మంచు మనోజ్ సరసన 'నేను మీకు తెలుసా' అనే సినిమాలో మెరసిన రియా సేన్ అందరికీ గుర్తుండే ఉంటుంది. ఈ సినిమా తర్వాత తెలుగులో నటించకపోయినా... బాలీవుడ్ చిన్న సినిమాలకు మాత్రం బాగానే నటించింది. గత రెండేళ్లుగా హిందీలోనూ సినిమాలు లేక తన మాతృబాష సినిమాలపై దృష్టి పెట్టింది ఈ బ్యూటీ.. ఈ అమ్మడు ఇటీవల తనకు సెక్స్ కావాలంటూ ఓ హోటల్ వెయిటర్‌కు ఆర్డర్ ఇచ్చిందట.

ఇప్పుడీ విషయాన్ని ఓ మీడియా ఇంట్వ్యూ సందర్భంగా అందరికీ తెలిసేలా చెప్పేసి.. ఒక్కసారిగా అటు మీడియా, ఇటు పత్రికలతో పాటు సోషల్ మీడియాలో కూడా చీఫ్ పబ్లిసిటీకి తెరతీసింది. ఇంతకీ విషయం ఏంటంటే ఇటీవల ఫ్రెండ్స్‌తో కలసి ముంబై అంధేరి ప్రాంతంలోని ఓ హోటల్‌కు వెళ్లిందట రియా సేన్. వెయిటర్ వచ్చి ఆర్డర్ ప్లీజ్ అనగానే... "కుడ్ ఐ హ్యావ్ స‌మ్ సెక్స్ ప్లీజ్" అంటూ ఆర్డరు ఇచ్చేసరికి ఆ వెయిటర్‌తో పాటు రియా ఫ్రెండ్స్ కూడా షాక్ అయ్యారట. 'నాకు కొంచెం సెక్స్ కావాలి' అంటూ ఓ అమ్మాయి.. అంత పబ్లిక్‌గా అడిగితే ఎవరు మాత్రం ఆశ్చర్యపోరు. ఈలోపు తాను నోరు జారిన విషయం తెలుసుకుని నాలుక కరుచుకున్న రియాసేన్.. తనకు కావాల్సిన ఐటమ్ ఆర్డర్ ఇచ్చి అతగాడిని పంపించేసిందట.
 
తన నిర్వాకాన్ని అదేదో ఆస్కార్ వచ్చినంత బిల్డప్‌గా.. ఇటీవల ఓ ఇంటర్వ్యూలో చెప్పుకొచ్చింది రియా. ఇటీవల షీనా వోహ్రా హత్య కేసు నేపథ్యలో తెరకెక్కిన బెంగాలీ మూవీ 'డార్క్ చాకోలెట్'లో నటించిన రియా.. ఓ అప్ కమింగ్ ప్రాజెక్ట్‌లో లెస్బియన్‌గా నటిస్తోందట. బహుశా.. పాత్రలో లీనమైపోయిందో.. లేక కావాలనే సరదాగా అలా అడిగిందో కానీ.. ఈ విషయం ఇప్పుడు బాలీవుడ్‌లో హాట్ టాపిక్‌గా మారింది. అయితే బాలీవుడ్‌లో పాపులారిటీతో పాటు తన సినిమాల సక్సెస్ కోసమే రియా ఇలా దాచుకునే విషయాన్ని బయటపెట్టిందని కూడా కామెంట్స్ వినిపిస్తున్నాయి.