మహిళా జర్నలిస్టుకు ట్విట్టర్ లో గ్యాంగ్ రేప్ హెచ్చరిక..

Posted: 02/18/2016 06:31 PM IST

Female scribe threatened with gangrape on twitter

మహిళా జర్నలిస్టుకు ట్విట్టర్ ద్వారా హెచ్చరికలు జారీ అయ్యాయి. అదీ సాదాసీదా హెచ్చరిక కాదు.. ఒకట్రెండు రోజుల్లో నిన్ను దారుణంగా గ్యాంగ్‌రేప్ చేస్తామంటూ ఓ మహిళా జర్నలిస్టును హెచ్చరించాడో దుండగుడు. తన మనోభావాలపై తీవ్రంగా స్పందించిన ముంబాయి వాసి అమ్రేరందర్ కుమార్ సింగ్ మహిళా జర్నలిస్టుకు ఈ బెదిరింపులను పంపాడు. అంతేకాదు భారత మాతతో ద్రోహానికి తలపడవద్దని కూడా హెచ్చరిస్తూ అమెను దేశద్రోహిగా కూడా పరిగణించాడు. ఈ ట్విట్టర్ కామెంట్ పై ఆమె పోలీసులకు ఫిర్యాదు చేసింది. దీంతో ముంబై పోలీసులు అతనిపై కేసు నమోదుచేశారు.

జేఎన్‌యూ వివాదం నేపథ్యంలో ఢిల్లీ పటియాల కోర్టులో పాత్రికేయులపై జరిగిన దాడిని ఖండిస్తూ ముంబైలో విలేకరులు నిరసన ప్రదర్శన నిర్వహించారు. ఈ ఆందోళనలో పాల్గొన్న ఫొటోలను ఓ మహిళా జర్నలిస్టు తన సోషల్ మీడియా అకౌంట్‌లో పోస్టు చేసింది. దీంతో ఆమెను ఉద్దేశించి అమరేంద్రకుమార్ తీవ్రస్థాయి బెదిరింపులకు దిగాడు. 'ఒకట్రెండు రోజుల్లో నీపై తీవ్రమైన గ్యాంగ్‌ రేప్ జరుగుతుందంటూ ట్వీట్ చేశాడు. అమరేంద్రసింగ్ పై ఐపీసీ సెక్షన్లు 354 (ఏ) 1 (అమర్యాదపూర్వకంగా వ్యవహరించడం), 509 (మహిళలను అవమానించే చర్యలకు పాల్పడటం), 506 (నేరపూరిత ఉద్దేశం) కింద ఆజాద్ మైదాన్ పోలీసు స్టేషన్‌లో కేసు నమోదుచేశారు. నిందితుడిని ఇంతవరకు అరెస్టు చేయలేదని పోలీసులు తెలిపారు.

జి. మనోహర్