ఆ మగమృగాళ్ల పాలిట సింహస్వప్నం.. ఈ విధి వంచిత

Posted: 11/22/2015 01:03 PM IST

నలుగురు అగ్రవర్ణాలకు చెందిన దుర్మార్గుల అకృత్యానికి బలైన ఓ పదిహేనేళ్ల బాలిక వారిపై నాలుగేళ్లుగా అలుపెరుగని పోరాటం చేస్తోంది. ఉత్తరప్రదేశ్‌లోని ఓ గ్రామానికి చెందిన బితియా (పేరు మార్చాం) అనే దళిత బాలికను కిడ్నాప్ చేసి.. నిర్ఝన ప్రదేశానికి తీసుకువెళ్లిన పైశాచిక మృగాలు.. అమెపై సామూహిక అత్యాచారానికి తెగబడ్డాయి. అంతేకాదు తనపై అత్యాచారానికి పాల్పడుతున్న ఘటనను దుర్మార్గులు వీడియో తీసి స్థానిక మార్కెట్లో అమ్ముకున్నారు.

2012లో ఈ ఘటన జరిగిన తర్వాత తనను అందరూ దోషిలా చూడటం మొదలుపెట్టారని, స్కూల్‌కు రానివ్వలేదని చెప్పింది.. తానే ఏదో నేరం చేసినట్లుగా అందరి చూపులు తనను ప్రశ్నించాయని తెలిపింది. తనపై సామూహిక అత్యాచారానికి పాల్పడిన  దుర్మార్గులపై పోలీసులకు ఇచ్చిన ఫిర్యాదును వెనక్కి తీసుకొమ్మని గ్రామస్తులు, ఊరి పెద్దలు ఒత్తిడి తెచ్చారని చెప్పింది. కామమృగాలు  చేసిన పాపానికి పరిహారంగా తనకు. డబ్బు ఇస్తామని కూడా ప్రలోభ పెట్టారనింది. న్యాయవాదులు కూడా సాక్ష్యాలను నాశనం చేయడానికి ప్రయత్నించారని తన అవేదనను తెలిపింది. కానీ తాను మాత్రం కేసును వెనక్కి తీసుకోలేదని. ఓ ఎన్‌జీఓ సహకారంతో పోరాడుతున్నా’’ అని ఢిల్లీలో జరిగిన అంతర్జాతీయ మహిళా సదస్సులో బితియా వివరించింది.

జి. మనోహర్