ఐఎస్ఐఎస్ లో చేరాలనుకున్న హిందు అమ్మాయి

Posted: 09/21/2015 11:27 AM IST

ఐఎస్ఐఎస్ అంటేనే ప్రపంచానికి వణుకుపుడుతోంది. సిరియా, ఇరాన్, ఇరాక్ లోను కాకుండా అన్ని దేశాల్లో కూడా ఐఎస్ఐఎస్ జాడలు కనిపిస్తున్నాయి. ప్రపంచంలోని చాలా దేశాల నుండి ఐఎస్ఐఎస్ లోకి చేరే వారి సంఖ్య పెరుగుతోంది. ముఖ్యంగా ముస్లిం వర్గానికి చెందిన వారు ఈ ఉగ్రవాద సంస్థలో చేరుతున్నారు. అయితే తాజాగా ఓ మహిళ కూడా ఇందులోకి చేరాలని అనుకుంది. ఆ వార్త దేశంలో సంచలనానికి తెర తీసింది. ఢిల్లీకి చెందిన ఓ మాజీ సైనికుడి కూతురు సిరియా వెళ్లి ఐఎస్ఐఎస్ లో చేరాలని అనుకుంది. అయితే ఇక్కడ ట్విస్ట్ ఏంటంటేే. ఆ అమ్మాయి హిందు అమ్మాయి. అవును హిందు అమ్మాయే ఐఎస్ఐఎస్ లో చేరాలనుకుంది.

Also Read : ఇస్లామిక్ స్టేట్ సరికోత్త ఆయుధం ‘ఎయిడ్స్ బాంబ్’

ఢిల్లీకి చెందిన ఓ మాజీ కల్నల్ కూతురు స్థానికంగా తన గ్రాడ్యుయేషన్ పూర్తి చేసింది. తర్వాత పోస్ట గ్రాడ్యుయేషన్ కోసమని... ఆస్ట్రేలియాకు వెళ్లింది. అయిే కొద్ది కాలంగా తన కూతురు ప్రవర్తన మీద అనుమానం వచ్చిన తండ్రి ఆమె కంప్యూటర్ ను చూశారు. తన కూతురు ఐఎస్ఐఎస్ సంస్థలో చేరాలని అనుకుంటోందని.. అందుకు చర్చలు కూడా జరిపిందని.. సిరియా ప్రయాణానికి అన్ని ఏర్పాట్లు చేసుకుందని తెలిసింది. వెంటనే నేషనల్ సెక్యురిటి ఏజెన్సీ వారికి సమాచారం అందించాడు. వాళ్లు ఆమె దగ్గరి నుండి మరింత సమాచారాన్ని రాబడుతున్నారు. మొత్తంగా ఓ హిందు మహిళ ఇలా ముస్లిం సంస్థలో చేరాలనుకోవడం కాస్త కలకలం రేపుతోంది.

*అభినవచారి*