ఉపాధ్యాయుడిని చితకబాది.. పోలీసులకు అప్పగించిన తల్లిదండ్రులు

Posted: 09/10/2015 03:57 PM IST

అది ఈశాన్య రాష్ట్రం. ఒక్కసారిగా తల్లిదండ్రుల, వారి బంధుమిత్రులు, సహచర విద్యార్థుల తల్లిదండ్రులు అందరూ కలసి ఉపాధ్యాయుడిని చితకబాదారు.  మెండుగా దేహశుద్ది చేసిన తరువాత పోలీసులకు అప్పగించారు. సభ్య సమాజంలో ఎలా మసలాలి, ఎలా మెలగాలి అన్న విషయాలను విద్యార్థులకు బోధించాల్సిన ఉపాధ్యాయుడే కన్నుమిన్ను కానక కామంతో కళ్లు మూసుకుపోయి అభం శుభం తెలియని ఏడేళ్ల చిన్నారిపై అత్యాచారానికి పాల్పడటంతో తల్లిదండ్రులు వాడికి తగిన బుద్ది చెప్పారు.

విద్యార్థులను ఉత్తమ పౌరులుగా తీర్చిదిద్ది, విద్యాబుద్ధులు నేర్పి ఆదర్శంగా ఉండాల్సిన ఉపాధ్యాయుడు దారితప్పడంతో దేహశుద్ది జరిగింది. ఏడేళ్ల చిన్నారిపై అత్యాచారానికి ఒడిగట్టడమే కాకుండా చిన్నారిని చిత్రహింసల పాలు చేశాడు. ఈ విషయం తెలుసుకున్న బాధితురాలి తల్లిదండ్రులు, స్థానికులు స్కూల్పై దాడి చేసి టీచర్ను చితకబాదారు. అరుణాచల్ ప్రదేశ్లోని ఉప్పర్ సియాంగ్ జిల్లాలో ఈ ఘటన వెలుగుచూసింది. బాధితురాలి కుటుంబ సభ్యుల ఫిర్యాదు మేరకు పోలీసులు కేసు నమోదు చేశారు. గాయపడిన టీచర్ను పోలీసులు ఆస్పత్రికి తరలించారు. నిందితుడిని కాపాడేందుకు ప్రయత్నించిన స్కూల్ ప్రిన్సిపాల్ను పోలీసులు అరెస్ట్ చేశారు.

జి. మనోహర్