పేగుబంధం తెలియని కసాయి.. పక్కింట్లో బోజనం చేశాడని..

Posted: 05/19/2015 08:58 PM IST

Man beats boy to death for having food at neighbours house

కంటే కదా.. కన్న పేగు బంధం తెలిసేది.. కన్న పేగు మమకారం పంచేది. తన పిల్లలు అకలితో అలమటిస్తే.. తండ్రనేవాడు పస్తులుండైనా.. పిల్లలలకు పట్టెడన్నం తినిపించాలని భావిస్తాడు కానీ.. ఇక్కడ ఓ కరుడుగట్టిన దుర్మార్గుడు ఆకలికి తట్టుకలేక పక్కింట్లోకి వెళ్లి బోజనం చేశాడని అరేళ్ల బాలుడిని విచక్షణ కోల్పయి చావచితకబాదాడు. దెబ్బలకు తట్టుకోలేక ఆ పసి దేహం అసువులు బాసింది. ఈ హృదయ విదారక ఘటన ఉత్తరప్రదేశ్లోని మధురలో చోటుచేసుకుంది. వివరాల్ల్లోకి వెళ్తే..

రాజేంద్ర అనే లారీ డ్రైవర్ మీనాక్షి అనే ఇద్దరు పిల్లల తల్లి మీనాక్షితో కలసి సహజీవనం చేస్తున్నాడు. అమెకు సమీప బంధువు కావడం చేత.. భర్త దూరమైన తమ బిడ్డలను తండ్రిలా ఆదరిస్తాడని అతని పంచన చేరింది. కాగా, మీనాక్షి తన సొంతూరుకు వెళ్తూ పిల్లలిద్దరినీ రాజేంద్ర దగ్గర విడిచి వెళ్లింది. అతను పిల్లలకు భోజనం పెట్టకపోవడంతో.. పిల్లలిద్దరూ అకలితో అలమటించిపోయారు. చిన్నవాడైన ధర్మేంద్ర ఆకలికి తట్టుకోలేక.. పక్కింటికెళ్లి భోజనం చేసి వచ్చాడు. ఈ విషయం తెలుసుకున్న రాజేంద్ర.. ఆదివారం రాత్రి పిల్లవాడిని చితకబాదాడు.

దీంతో దర్మేంధ్ర అపస్మారక స్థితిలోకి జారుకున్నాడు. మరుసటి రోజు ఉదయం లేచి చూసేసరికి మరణించాడు. ఈ విషయం తెలియగానే రాజేంద్ర పరారయ్యాడు. అయితే తమ తల్లి లేకపోవడంతో తమకు బోజనం కూడా పెట్టని రాజేంద్ర, తమ తమ్ముడిని చితకబాది చంపేశాడని, మృతుడి సోదరుడు జితేంద్ర (12) పోలీసులకు తెలిపాడు. కేసు నమోదు చేసుకున్న పోలీసులు బాలుడి శవాన్ని పోస్టమార్టం నిమిత్తం తరలించి.. దర్యాప్తు చేస్తున్నారు. స్వగ్రామం నుంచి వచ్చిన తల్లి మీనాక్షి తన పిల్లాడిని అకారణంగా పోట్టన పెట్టుకున్నాడని బోరున విలపించింది.

జి. మనోహర్