పడిపోయిన మంత్రి తోట - భార్య నిరవధిక దీక్ష

Posted: 08/10/2013 02:35 PM IST

తూర్పుగోదావరి జిల్లాలోని అన్నవరం దేవస్థానంలో మంత్రి తోటనరసింహం సొమ్మసిల్లి పడిపోయారు. సమైక్యాంద్రకు మద్దతుగా జగ్గంపేట నుంచి అన్నవరం వరకు బైక్ రయాలీ నిర్వహించిన అనంతరం మంత్రి స్వామివారిని దర్శించుకోవడానికి వచ్చి ఆలయంలో అస్వస్థతకు గురయ్యారు. వెంటనే మంత్రిని అన్నవరం దేవస్థానం ఆసుపత్రికి తరలించి చికిత్స అందించారు.

 

మంత్రి తోట నర్సింహం భార్య నిరవధిక దీక్ష

సమైక్యాంధ్రకు మద్దతుగా కాకినాడలో మంత్రి తోట నర్సింహం భార్య వాణి నిరవధిక దీక్ష చేపట్టారు. ఎమ్మెల్యేలు, ఎమ్మెల్సీలు, జేఏసీ నేతలు దీక్షకు మద్దతు తెలిపారు. మరోవైపు కాకినాడలో ఐదువేల బైక్‌లతో మంత్రి తోట ర్యాలీ నిర్వహించారు.

 

వేదిక ఏర్పాటు

సమైక్య ఉద్యమంలో భాగంగా జిల్లాలో సమైక్యాంధ్ర పరిరక్షణ వేదిక శనివారం ఏర్పాటైంది. కన్వీనర్‌గా రిటైర్డ్ వీసీ బాలమోహన్‌దాస్ ఎన్నికయ్యారు.ఈ సందర్భంగా ఆయన మాట్లాడుతూ పార్టీలకు సంబంధం లేకుండా ఉద్యమిస్తామని ఆయన తెలిపారు.