పిండప్రదానం-ఎమ్మెల్యేల రాజీనామా

Posted: 08/09/2013 08:21 PM IST

సమైక్యాంధ్రకు మద్దతుగా నలుగురు శ్రీకాకుళం ఎమ్మెల్యేలు రాజీనామా చేశారు. ఎమ్మెల్యేలు ధర్మాన, భారతి, జగన్నాయకుడు, సత్యవతి తమ పదవులకు రాజీనామా చేశారు. ఎమ్మెల్యేలతో పాటు ఎమ్మెల్సీ విశ్వప్రసాద్ రాజీనామా చేశారు. ఈ సందర్భంగా ఏర్పాటు చేసిన సమావేశంలో ధర్మాన మాట్లాడుతూ తమ ప్రాంత ప్రజల నిర్ణయం మేరకే రాజీనామా చేశామని, విభజన ఆపాలని సీఎం కిరణ్‌కుమార్‌రెడ్డికి రాజీనామా లేఖను ఇచ్చామని తెలిపారు. రాష్ట్ర విభజనపై సీఎం వ్యాఖ్యలను స్వాగతిస్తున్నామని ధర్మాన పేర్కొన్నారు. విభజిస్తే ఆంధ్రప్రదేశ్ బలహీనపడుతుందని ఆయన చెప్పారు.

 

పిండప్రధానం

సమైక్యాంద్రకు మద్దతుగా గిరిజన ప్రాంతంలో ఉద్యమం ఉపందుకుంది. అరకులోయలో నిర్వహించిన కేసిఆర్, సోనియాగాంధీ, దిగ్విజయ్ సింగ్ ల శవయత్రకి కొనసాగింపుగా ఈరోజు పిండప్రధానం చేశారు. సమైక్యాంద్ర జేఏసీ ఆద్వర్యంలో నిర్వహించిన ఈ కార్యక్రమనికి పెద్దసంఖ్యలో ప్రజలు హాజరై తమ మద్దతుని తెలియజేశారు. సంప్రదాయబద్దంగా పిండప్రదానం చేసిన అనంతరం పెద్ద కర్మను పురస్కరించుకొని అంతా సహపంక్తి భోజనాలను చేశారు. ఈ సందర్భంగా జేఏసీ కన్వీనర్ మండి నాగేశ్వరరావు మాట్లాడుతూ తెలంగాణ రాష్ట్ర ఏర్పాటు ప్రతిపాదనని తక్షణమే కేంద్ర ప్రభుత్వం వెనక్కి తీసుకోవాలని ఆయన డిమాండ్ చేశారు. అలాగే గిరిజన ప్రాంతానికి ప్రాతినిద్యం వహిస్తున్న కేంద్ర, రాష్ట్ర మంత్రులు కిశోర్ చంద్రదేవ్, బాలరాజలిద్దరూ , తమ మంత్రి పదవులకు రాజీనామా చేయాలని ఆయన డిమాండ్ చేశారు.