ముక్కు పిండి వసూలు చేస్తున్నారు

Posted: 08/14/2013 01:02 PM IST

Private bus travellers squandling money from passengers

తెలంగాణ విభజనను వ్యతిరేకిస్తూ సీమాంధ్రులు చేపట్టిన సకలం బంద్ వారికే ముప్పు తెచ్చిపెడుతుంది. నిన్నటి నుండి సీమాంధ్రలో సకలం బంద్ కి ఏపీ ఎన్జీవోలు పిలుపునిచ్చిన సంగతి తెలిసిందే. దీంతో ఎక్కడి సేవలు అక్కడ నిలిచిపోయాయి. బస్సులు డిపోలకే పరిమితం కావడంతో ప్రయాణికులు చాలా ఇబ్బందులు ఎదుర్కొంటున్నారు. ఇదే అదనుగా భావించిన ప్రైవేటు బస్సు ఏజెన్సీలు ప్రయాణికులు వద్ద నుండి అధిక రేట్లు వసూలు చేస్తున్నారు. విశాఖ పట్నం నుండి హైదరాబాద్ కి ఎవరైనా అత్యవసర పని నిమిత్తం హైదారాద్ కి వస్తే వారి వద్ద నుండి అక్షరాల 2500 రూపాయాలు వసూలు చేశారు. సాధారణంగా వైజాగ్ నుండి హైదరాబాద్ కు సాధారణ సమయంలో 800 వందలు ఉంటుంది. పండగ సీజన్లలో దానిని రెట్టింపు చేస్తారు. కానీ ఉద్యమం పేరుతో అందినంత దోచుకుంటున్నారు. దీంతో ప్రయాణికులు సీమాంధ్ర ఉద్యమకారుల పై మండి పడుతున్నారు. ఈ విషయం తెలుసుకున్న సమైక్య వాదులు ప్రైవేటు బస్సు ఆపరేటర్లను హెచ్చరించారు.