హాయిగా ఆన్ లన్ షాపింగ్ చెయ్యండిలా..

Posted: 12/01/2015 01:15 PM IST

ఆన్ లైన్ షాపింగ్ సంస్కృతి మనకి ఇప్పుడిప్పుడే అలవాటు అవుతున్నప్పటికీ అతి త్వరలోనే దేశమంతటా విస్తరించడం ఖాయం. అందుకే సంప్రదాయ వ్యాపారులంతా కలిసి ఈ ఆన్లైన్ షాపింగ్ ను నిషేధించాలని ఆందోళన చేసేదాకా వెళ్ళారు. ఏది ఏమైనప్పటికీ సాధారణ వినియోగదారునికి ఒక సందేహం మాత్రంఇప్పటికీ పట్టి పీడిస్తోంది.

ఈ ఆన్ లైన్ షాపింగ్ సురక్షితమేనా ?

రకరకాల ఫిషింగ్ మోసాలు, నైజీరియన్ e mail స్కాములు , బ్యాంకు నుండి ఫోన్ చేస్తున్నామని చెప్పి మీ పాస్ వర్డ్ లు ,OTP లు తెలుసుకుని మీ ఖాతాను ఖాళీ చేసేవారూ ఎక్కువయి పోతున్న ఈ రోజుల్లో ఓ సామాన్య పౌరునికి ఇలాంటి సందేహం రావడం సహజమే.

కొన్ని సంస్థలు పేమెంట్ ను (చెల్లింపులు) స్వయంగా తామే ప్రాసెస్ చేస్తూండగా ఎక్కువ సంస్థలు మాత్రం ఇతర పేమెంట్ గేట్ వే లైన CCAvenue, Paypal, Billdesk  లాంటి వాటిపై ఆధార పడుతున్నాయి. ఈ సంస్థలు, బ్యాంకులు కూడా ఎక్కడా రాజీ పడకుండా మంచి encryption టెక్నాలజీ ని ఉపయోగిస్తూ, వన్ టైం పాస్ వర్డ్ (OTP), సెక్యూరిటీ ప్రశ్నలు మొదలైన పద్ధతుల ద్వారా సురక్షితమైన సేవలు అందిస్తున్నాయి.

ఈ చిన్న చిన్న జాగ్రత్తలు తీసుకోవడం ద్వారా మరింత భద్రతను పొందవచ్చు.

*మీ లాగిన్ పాస్ వర్డ్ లు భద్రంగా దాచుకోండి
*ఎట్టి పరిస్థితుల్లోనూ మీ OTP ఎవ్వరికీ చెప్పకండి.
*వీలయినంత మటుకు మీ పర్సనల్ కంప్యూటర్ నుండే షాపింగ్ చేయండి. సైబర్ కేఫ్ లను avoid చేయండి.
*మీ యాంటి వైరస్ ని క్రమం తప్పకుండా update చేయండి.
*transaction జరుగుతున్న సమయంలో బ్రౌజరు ని refresh చేయడం చేయకండి.