గ్రీన్ యాపిల్ తో కలిగే ఆరోగ్య ప్రయోజనాలు...

Posted: 10/07/2015 01:29 PM IST

ప్రకృతి సహజంగా లభించే పండ్లలో ఎన్నో ఔషధగుణాలు దాగివుంటాయని పలు పరిశోధనల ద్వారా ఇదివరకే నిరూపించబడ్డాయి. ఆయా పండ్లను తరచూ తీసుకుంటే.. వివిధ రకాల వ్యాధుల నుంచి దూరంగా వుండటమే కాకుండా నిత్యం ఆరోగ్యంగా మెలగవచ్చు. అలాంటి ఆరోగ్యకరమైన పండ్లలో ‘గ్రీన్ యాపిల్’ ఒకటి. ఈ యాపిల్ ని రెగ్యులర్ గా తీసుకుంటే.. ఏ ఆరోగ్య సమస్యలు దరిచేరవని నిపుణులు అంటున్నారు.

గ్రీన్ యాపిల్ లో యాంటీ ఆక్సిడెంట్స్ పుష్కలంగా వుంటాయి. అవి కాలేయాన్ని రక్షిస్తాయి. అలాగే కీళ్ల నొప్పులు రాకుండా అడ్డుకుంటాయి. శరీరంలోని థైరాయిడ్ గ్రంథి సక్రమంగా పనిచేసేలా ఈ యాపిల్ పండు సమర్థవంతంగా పని చేస్తుంది. సాధారణంగా వయసు పైబడినవారిలో నాడీ సంబంధిత సమస్యలు తలెత్తుతాయి. చేతులు వణకడం, జ్ఞాపకశక్తి మందగించడం వంటి అనేక లక్షణాలు ఉంటాయి. వీటన్నిటికీ గ్రీన్ యాపిల్ తో చెక్ పెట్టవచ్చు.

ఇక యాపిల్ రసం రెగ్యులర్ గా తీసుకుంటే ఆస్త్మా కూడా తగ్గుతుందని చెపుతున్నారురు. మధుమేహ వ్యాధి రాకుండా నిరోధించే శక్తి దీనికి ఉంది. చర్మ సంబంధ ఇబ్బందులన్నిటికీ తగిన ఔషధం యాపిల్ పండు. దీనిలోని పీచుపదార్థం, లవణాలు, విటమిన్లు ప్రత్యక్షంగా కూడా చర్మానికి ఎంతో మేలు చేస్తాయి. యాపిల్ గుజ్జును ముఖానికి రాసుకుంటే చర్మ సమస్యలు దూరమవుతాయి.