ఉసిరికాయ.. ఆరోగ్యానికి దివ్యౌషధం!

Posted: 06/23/2015 12:09 PM IST

Amla fruit health benefits home remedies heart kidney diseases

ఆరోగ్యాన్ని మెరుగుపరిచే దివ్యౌషధాల్లో ఉసిరికాయ ఒకటి! ఆయుర్వేదానికి ఎంతగానో ఉపయోగపడే ఉసిరికాయను తిని నీటిని తాగితే ఆ టేస్టే వేరు. అందుకే నీటి బావుల్లో ఉసిరికాయ చెట్ల వేళ్లను వేస్తారు. ‘దైవవృక్షం’తో పోల్చే ఈ ఉసిరికాయలను రోజుకు ఒకటి చొప్పున తీసుకుంటే ఎన్నో ఆరోగ్య ప్రయోజనాలు పొందవచ్చు. ప్రతిరోజూ ఉదయాన్నే ఓ ఉసిరికాయ తీసుకోవడం వల్ల సరికొత్త ఉత్సాహాన్ని పొందవచ్చు. అంతేకాదు.. ఇది నిత్యయవ్వనులుగా వుండే టానిక్ లా ఉపయోగపడుతుంది. ఈ కాయ ఎన్నోరకాల అంటువ్యాధులను దూరం చేయడంలో ప్రముఖపాత్ర వహిస్తుంది. ఈ ఉసిరితో కలిగే మరిన్ని ప్రయోజనాలేంటో తెలుసుకుందాం..

ఉసిరితో కలిగే ప్రయోజనాలు :

* ఈ ఉసిరి గుండె, కిడ్నీ సంబంధిత వ్యాధులను దూరంగా వుంచడంతోపాటు ఆ రెండింటికీ బలాన్నిస్తాయి.
* ఒక స్పూన్ ఉసిరి రసం, అర టీ స్పూన్ తేనెను కలిపి రోజూ ఉదయం తీసుకుంటే కంటి లోపాలుండవు. కండరాలు బలపడతాయి.
* ఒక స్పూన్ ఉసిరి పొడి, ఒక స్పూన్ నేరేడు పొడి, ఒక స్పూన్ కాకరకాయ పొడి చేర్చి తీసుకుంటే మధుమేహ వ్యాధిని నయం చేసుకోవచ్చు.
* ఎండిపోయిన ఉసిరికాయను బెల్లంతో కలిపి తీసుకుంటే ఆరోగ్యానికి ఎంతో మేలు చేకూరుతుంది.
* రెండు ఉసిరికాయలను నీటిలో నానబెట్టి ఆ నీటితో కళ్ళను శుభ్రం చేసుకోవచ్చు. ఇలా చేస్తే కళ్లు ఎర్రబడటం, దృష్టి లోపాలు వుండవు.
* ఉసిరికాయ గింజలను ఎండబెట్టి పొడిచేసుకోవాలి. వాటిని టెంకాయ నూనెలో బాగా మరిగించి, తర్వాత ఆరనివ్వాలి. దీనిని మాడుకు పట్టిస్తే జుట్టు మృదువుగా తయారవుతాయి.
* ఉసిరికాయలో విటమిన్ సి, ఐరన్ ఉన్నాయి. ఆరెంజ్ పండు కంటే ఉసిరిలో 20 రెట్లు విటమిన్ సి ఉంటుందని ఆరోగ్య నిపుణులు అంటున్నారు.