ఎసిడిటి పేషెంట్స్ వీటిని తీసుకోకూడదు!

Posted: 06/06/2015 12:34 PM IST

ఎసిడిటి సమస్యతో బాధపడుతున్నవారు కొన్ని ఆహారపదార్థాలను ఎట్టిపరిస్థితుల్లోనూ తీసుకోకూడదు ఆరోగ్య నిపుణులు హెచ్చరిస్తున్నారు. అందులో ముఖ్యంగా టమోటాలను రెగ్యులర్ డైట్ లో అస్సలు తీసుకోవద్దని వారు సూచిస్తున్నారు. ఎందుకంటే.. ఎసిడిటికి కారణమయ్యే ఆహారాల్లో ‘టమోటో’ ఒక ముఖ్యమైన ఆహారం! నిజానికి టమోటాను ఆరోగ్యానికి ఔషధంగా పేర్కొంటారు కానీ.. కొన్ని వ్యాధులను మాత్రం ఇది దూరం చేయదు. అందులో ఎసిడిటి ఒకటి! ఈ ఎసిడిటికి కారణమయ్యే కొన్ని లక్షణాలు టమోటాలో ఎక్కువ మోతాదులో వుంటాయి కాబట్టి.. వాటిని రెగ్యులర్ డైట్ నుంచి నివారించాలని సలహా ఇస్తున్నారు.

కేవలం టమోటా మాత్రమే కాదు.. దీంతోపాటు మరెన్నో ఫుడ్స్ తీసుకోకూడదు. చాక్లెట్‌లో కూడా కొంత మొత్తంలో కెఫిన్ ఉంటుంది. ఇది ఎసిడిటికి కారణం అవుతుంది. కాబట్టి, చాక్లెట్స్ దూరంగా వుంచితే.. ఎసిడిటి సమస్య నుంచి కాస్త ఉపశమనం లభించినట్లేనని నిపుణులు అంటున్నారు. అలాగే సిట్రస్ ఫ్రూట్స్ కూడా ఎసిడిటికి కారణం అవుతాయి. సిట్రస్ యాసిడ్ కలిగిన నిమ్మ, ఆరెంజ్ వంటివి ఎక్కువ అసిడిక్ కలిగి వుంటాయి. అవి ఎసిడిటికి కారణం అవుతాయి. ముఖ్యంగా ఈ సిట్రస్ పండ్లను తీసుకొన్నప్పుడు, పరగడుపున ఈ జ్యూస్‌లను తీసుకునేటప్పుడు ఎసిడిటికీ కారణం అవుతుంది. కాబట్టి.. వీటిని దూరంగా వుంచితే ఎంతో శ్రేయస్కరమని వైద్యులు వెల్లడిస్తున్నారు.