నడుం నొప్పితో దాంపత్య సుఖం పొందలేకపోతున్నారా?

Posted: 05/22/2015 04:15 PM IST

ఇటీవలేకాలంలో మహిళలు సైతం పురుషులకు సమానంగా అన్నిరంగాల్లోనూ పాలుపంచుకుంటూ దూసుకెళుతున్నారు. అయితే.. ఇటువంటివాళ్లు ఎంతో ఆనందంగా అనుభవించాల్సిన తమ దాంపత్య సుఖాన్ని చేజేతులా పోగొట్టుకుంటున్నారని, నరకంగా చేసుకుంటున్నారని పలు సర్వేలు తెలుపుతున్నాయి. ఎందుకంటే.. మహిళా ఉద్యోగినులు కార్యాలయాల్లో గంటలతరబడి కంప్యూటర్ల ముందు కూర్చోవడంతోపాటు ఇంట్లో కార్యకలాపాలు చేసుకుంటారు.

ఈ విధంగా వారు పనిచేయడం వల్ల నడుం నొప్పితో బాధపడుతున్నారని సర్వేలో తేలింది. ఈ నొప్పితో వారంతా సెక్సులో పాల్గొనేందుకు అంతగా ఆసక్తి చూడం లేదని ఆ సర్వే వెల్లడించింది. ఒకవేళ బలవంతంగా సెక్సులో పాల్గొన్నా.. నడుంనొప్పి మరింత ఎక్కువవుతోంది. ఈ సమస్య కారణంగా మహిళలు తమ భర్తలతో వారానికోసారి కూడా శృంగార జీవితాన్ని అనుభవించలేకపోతున్నారు. దీంతో భార్యాభర్తల సంబంధాలు బెడిసికొట్టి.. దంపతులు విడిపోతున్నారని తేలింది.

మరి.. ఈ సమస్య నుంచి ఉపశమనం పొంది, తమ దాంపత్య జీవితాన్ని సుఖంగా కొనసాగించాలంటే ఏం చేయాలి? అనే ప్రశ్నకు నిపుణులు ఓ సింపుల్ సమాధానం తెలుపుతున్నారు. నడంనొప్పి నుంచి విముక్తి పొందాలంటే బెడ్‌పై విశ్రాంతి తీసుకోవటం కాదంటున్నారు నిపుణులు. పనివేళలో శరీరాన్ని ఒకే పొజిషన్‌లో ఉండేటట్లు లేకుండా చూసుకోవాలి. అలాగే నడుము మీద అధిక వత్తిడి పడని సెక్స్ భంగిమల్లో పాల్గొనాలని వారు సలహా ఇస్తున్నారు.

నిపుణులు వెల్లడించిన ఈ చిట్కాలను ప్రతిరోజూ పాటిస్తే.. దాంపత్య జీవితాన్ని ఎంతో సంతోషంగా అనుభవించవచ్చునని వారంటున్నారు. పైగా.. సెక్స్ సమయంలో నడుంనొప్పినుంచి ఉపశమనం పొందవచ్చని సర్వేలో వెల్లడైంది కూడా! గృహిణులు సైతం నడుంనొప్పితో బాధపడుతుంటే.. అవే చిట్కాలు పాటిస్తే చాలని సెక్సాలజిస్టులు చెబుతున్నారు.