స్వీట్లు తింటే సామార్ధ్యం తగ్గినట్లే

Posted: 06/19/2014 01:44 PM IST

శృంగారం అనేది నిత్యజీవితంలో ఓ భాగం. దాంపత్య జీవితం పది కాలాల పాటు పచ్చగా ఉండాలంటే మన జీవిన విధానంలో కూడా కొన్ని నియమ నిబంధలు పాటించి, శృంగార సామర్ధ్యాన్ని పది కాలాల పాటు పదింలంగా ఉంచుకోవాలి. మన నిత్య జీవితంలో తినే ఆహార అలవాట్లు కూడా దాంపత్య జీవితం పై ప్రభావం చూపుతాయి. కొన్ని ఆహార పదార్థాలు తీసుకుంటే శృంగార సామర్థ్యం పెరుగుతుంది.

మరికొన్ని పదార్థాలు తీసుకుంటే శృంగార సామార్థ్యం తగ్గుతుందని వివిధ సర్వేల్లో తేల్చేశారు నిపుణులు. ముఖ్యంగా తియ్యని పదార్థాలు తిన్న వారిలో, చెడు అలవాట్లు మధ్యం, ధుమపానం అలవాట్లు ఉన్నవారికి శృంగార వాంఛ తక్కువగా ఉందని తేల్చారు. తియ్యని తినుబండారాల్లో ముఖ్యంగా కృత్రిమ పదార్థాల్లో ఆస్పార్టెమ్ అనే పదార్థం ఉంటుందని, ఇది శరీరంలోని హార్మోన్ల అసమతూకాన్ని కలిగిస్తుందని, ఫలితంగా ‘‘మూడ్’’ మారిపోయి లైంగికవాంఛల్ని తగ్గిస్తుందని నిపుణులు చెబుతున్నారు.

వీటి బదులు తేనె, బెల్లం లాంటివి బెటర్ అని అంటున్నారు. అలాగే చీజ్ (వెన్న)ను ఎక్కువగా తీసుకోవడం వల్ల కూడా లైంగికవాంఛలు తగ్గుతాయట! శరీరంలో పేరుకుపోయే టాక్సిన్లు, ప్రొజెస్టిరాన్, ఈస్ట్రోజెన్, టెస్టోస్టిరాన్ వంటి హార్మోన్లను చీజ్ ప్రభావితం చేస్తుందని, అందువల్ల సాధ్యమైనంతవరకు దీనికి దూరంగా ఉండాలని సూచిస్తున్నారు. చిప్స్‌ని ఇష్టంగా తినేవారు కూడా జాగ్రత్తగా ఉండాలట! దీనిని ఎక్కువగా తింటే బాడీలో కొవ్వు కూడా ఎక్కువగా పేరుకుపోతుంది.

అందువల్ల ఇదీ లైంగికవాంఛల్ని, కోరికల్ని తగ్గిస్తుంది సుమా అంటున్నారు. ఇక కాఫీ, టీ వంటి వాటి విషయానికి వస్తే రోజుకు రెండు, మూడు కప్పుల కాఫీ అయితే ఫరవాలేదని, కానీ ఇది కూడా ‘‘మోతాదు’’ మించితే శరీరంలోని హార్మోన్లపై ఒత్తిడి పెరుగుతుందని అలర్ట్ చేస్తున్నారు. కూల్‌డ్రింక్స్ కూడా ‘కోరికల్ని ’ అదుపులో ఉంచుతాయనే కొత్త విషయాన్ని నిపుణులు బయటపెట్టారు.

ఇక స్థూలకాయులకు ఈత మంచిదట ! అలాగే రోజూ అరగంటసేపు సైకిల్ తొక్కితే ఐదువందల కెలరీలు తగ్గుతాయని, నడక, తాడాట వంటి ‘‘గృహసంబంధ’’ వ్యాయామం వల్ల కాళ్లు, చేతులు నాజుకుగా తయారవుతాయని చెబుతున్నారు. చిన్నచిన్న ఎక్సర్‌సైజులతో శరీర బరువును అదుపులో ఉంచుకోవచ్చునంటున్నారు.