స్కీయింగ్ లో భారత్ కు తొలి అంతర్జాతీయ అవార్డు

Posted: 01/10/2018 10:08 PM IST

అంత‌ర్జాతీయ స్కీయింగ్ కాంపిటీష‌న్ లో ర‌జ‌త ప‌త‌కం గెల్చినందుకుగాను భారత క్రీడాకారిణి ఆంచ‌ల్ ఠాకూర్‌ను ప్ర‌ధాని న‌రేంద్ర మోదీ పొగిడారు. ఈ మేర‌కు ఆయ‌న ఓ ట్వీట్ చేశారు. ఈ పోటీల్లో భార‌త‌దేశానికి మొద‌టిసారి ప‌త‌కం సాధించి దేశ‌ఖ్యాతి ఇనుమ‌డింపజేసిందని ప్ర‌ధాని పేర్కొన్నారు. ట‌ర్కీలోని పాలందోకెన్ స్కీ సెంట‌ర్‌లో జ‌రిగిన ఆల్పైన్ ఎయ్‌డ‌ర్ 3200 క‌ప్ పోటీల్లో ఆంచ‌ల్ ర‌జ‌త ప‌త‌కం సాధించింది.

ఈ పోటీల‌ను ఫెడ‌రేష‌న్ ఇంట‌ర్నేష‌న‌లె దె స్కీ సంస్థ నిర్వ‌హించింది. 'అంత‌ర్జాతీయ‌ స్కీయింగ్‌లో ప‌త‌కం సాధించినందుకు సంతోషం. ట‌ర్కీలో నువ్వు సాధించిన చారిత్ర‌క‌ విజ‌యానికి దేశం గ‌ర్విస్తోంది. భ‌విష్య‌త్తులో కూడా ఇలాంటి విజ‌యాలు మ‌రెన్నో సాధించాల‌ని కోరుకుంటున్నాను' అని మోదీ ట్వీట్ చేశారు.

Well done @alleaanchal for winning an international medal in skiing! The entire nation is ecstatic on your historic accomplishment at the FIS International Skiing Competition in Turkey. Wishing you the very best for your future endeavours.

— Narendra Modi (@narendramodi) January 10, 2018