మకావు ఓపెన్ లో ముగిసిన భారత్ పోరు.. సైనా, సాయిలకు నిరాశ

Posted: 12/02/2016 04:50 PM IST

India s challenge ends at macau open with saina praneeth exit

మకాపు ఓపెన్ నుంచి భారత్ నిష్ర్కమించింది. అటు పురుషుల సింగిల్స్, ఇటు మహిళల సింగిల్స్ సహా అన్ని విభాగాల నుంచి భారత్ నిష్క్రమించింది. మోకాలి గాయం తరువాత ఫామ్‌లేమితో సతమతమవుతున్న భారత ఏస్‌ షట్లర్‌ సైనా నెహ్వాల్‌ మరోసారి పరాజయం పలుకరించింది. దీంతో అమెకు నిరాశ ఎదురైంది. గాయం నుంచి కోలుకున్నాక ఫామ్ లోకి వచ్చే వరకు అగకుండా ఆత్రుతగా వచ్చినందు వల్లే అమె తడబాటుకు గురవుతున్నారన్న విమర్శలు కూడా వ్యక్తం అవుతున్నాయి.

మకావు ఓపెన్‌ మహిళల సింగిల్స్‌ క్వార‍్టర్స్‌లో సైనా ఓటమి చవిచూసింది. శుక్రవారం జరిగిన ఈ మ్యాచ్‌లో సైనా 21-12, 21-17 స్కోరుతో ఝంగ్‌ యిమన్‌ (చైనా) చేతిలో ఓడిపోయింది. ఇటీవల జరిగిన హాంకాంగ్‌ ఓపెన్‌లో కూడా సైనా క‍్వార్టర్స్‌లోనే పోరాటం ముగించింది. ఇక మరోవైపు భారత ఏస్ షట్లర్ సాయి ప్రణిత్ కూడా క్వార్టర్ ఫైనల్స్ లో పరాజయం పాలయ్యాడు. మకావు ఓపెన్ గ్రాండ్ ఫ్రిక్స్ గోల్డ్ బాడ్మింటన్ టోర్నీలో అయన చైనాకు చెందని జో ఝున్ పెంగ్ చేతిలో ఓటమిపాలయ్యాడు.

తొలి సెట్ లో నువ్వా నేనా అన్నట్లు రాణించిన ప్రణిత్.. రెండు పాయింట్ల తేడాతో ఓటమిపాలవ్వగా, రెండో సెట్ మాత్రం ఏ కోశాన చైనా క్రీడాకారుడు పెంగ్ ను నిలువరించలేకపోయాడు., దీంతో ముఖాముఖిగా తలపడిన క్వార్టర్ ఫైనల్స్ లో 19-21,9-21 పాయింట్లతో పరాజయం పాలయ్యాడు. దీంతో ఈ మ్యాచ్ ఆద్యంతం చైనా క్రీడాకారుడు పెంగ్ అధిపత్యమే సాగింది. కాగా ఈ మ్యాచ్ కేవలం అరగంట వ్యవధిలోనే ముగియడం ప్రత్యర్థి ప్రతిభను తెలియజేస్తుంది.