గురువుకు మెడల్ ను అంకితమిచ్చిన గోపిచంద్

Posted: 11/19/2015 05:57 PM IST

వరల్డ్ జూనియర్ చాంపియన్‌ షిప్‌ లో తీవ్రంగా శ్రమించినా కొద్దిలో స్వర్ణం చేజారడం నిరాశ కలిగించిందని యువ బ్యాడ్మింటన్ ఆటగాడు ఏఎస్‌ఎస్ సిరిల్ వర్మ అన్నాడు. పెరూలో జరిగిన ఈ టోర్నీ ఫైనల్లో sl తన ప్రత్యర్థి చేతిలో పరాజయం పాలైన సిరిల్.. రజతంతో సంతృప్తి చెందాడు. తొలి గేమ్‌ను గెలుచుకున్న తర్వాత టైటిల్ దక్కుతుందని నమ్మకంతో ఉన్నానని. అయితే ఆ తర్వాత ప్రత్యర్థి తనకంటే ఎంతో మెరుగ్గా ఆడి ఆధిపత్యం ప్రదర్శించాడని చెప్పుకోచ్చాడు.

అయితే భారత్ తరఫున తొలి సారి రజతం గెలుచుకున్న ఆటగాడిగా నిలవడం సంతోషకరంగా వుందన్నాడు. ఈ పతకాన్ని తన కోచ్ పుల్లెల గోపీచంద్‌కు అంకితమిస్తున్నానని సిరిల్ పేర్కొన్నాడు. గచ్చిబౌలిలోని గోపీచంద్ బ్యాడ్మింటన్ అకాడమీలో సిరిల్‌కు ఘన సన్మానం జరిగింది. ఈ సందర్భంగా హైదరాబాద్ బ్యాడ్మింటన్ సంఘం అధ్యక్షుడు వి. చాముండేశ్వరీనాథ్ సిరిల్‌కు ప్రోత్సాహకంగా 2 లక్షల రూపాయల చెక్‌ను అందజేశారు. కార్యక్రమంలో సిరిల్ తల్లిదండ్రులు రామరాజు, సుశీలతో పాటు వర్ధమాన షట్లర్లు పాల్గొన్నారు.

జి. మనోహర్