టీమిండియా హాకీ వైస్ కెప్టెన్ శ్రీజేష్‌కు పురస్కారం

Posted: 11/18/2015 05:25 PM IST

టీమిండియా పురుషుల హాకీ జట్టు గోల్‌కీపర్, వైస్ కెప్టెన్ పీఆర్ శ్రీజేష్‌కు కేరళ రాష్ట్ర ప్రభుత్వ ప్రతిష్టాత్మక క్రీడా పురస్కారంతో సత్కరించింది. గత ఏడాదికి సంబంధించిన ‘లెఫ్టినెంట్ కల్నల్ జీవీ రాజా అవార్డు’ను పీఆర్ శ్రీజేష్ కు అందించిన కేరళ క్రీడా మండలి ఆయన సాదరంగా సత్కరించింది. కేరళ ముఖ్యమంత్రి ఊమెన్ చాందీ చేతుల మీదుగా శ్రీజేష్ ఈ పురస్కారాన్ని అందుకున్నాడు. ఈ అవార్డు కింద శ్రీజేష్‌కు రూ. 3 లక్షల నగదు అందజేశారు.

త్రివేండ్రంలోని మస్కట్ హోటల్ లో కేరళ క్రీడా మంత్రిత్వ శాఖ మంత్రి తిరువాంచుర్ రాధాకృష్ణన్ ఆధ్యక్షతన ఏర్పాటు చేసిన ఒక కార్యక్రమంలో ఈ అవార్డుకు శ్రీజేష్ కు అందజేశారు. శ్రీజేష్ త్వరలో అస్ట్రేలియాతో జరిగనున్న మూడు రోజుల హాకీ టెస్టు సిరీస్ లో పాల్గోననున్నాడు. ఈ నెలాఖరులో చత్తీస్ గడ్ లోని రాయ్ పూర్ లో జరగనున్న హారో హాకీ వరల్డ్ లీగ్ ఫైనల్ లో కూడా పాల్గోననున్నాడు. తనకు ప్రతిష్టాత్మక అవార్డు దక్కడం పట్లు గర్వంగానూ, ఆనందంగానే వుందని శ్రీజేష్ పేర్కోన్నాడు. తనను ఈ అత్యున్నత రాష్ట్ర పురస్కారానికి ఎంపిక చేసిన కేరళ క్రీడా మంత్రిత్వశాఖకు ఆయన ధన్యవాదాలు తెలిపారు. ఈ అవార్డు అందించిన ఉత్సహాంతో తాను భవిష్యత్తులో మరింతగా రాణించగలనన్న నమ్మకాన్ని వ్యక్తం చేశాడు.

జి. మనోహర్