యూఎస్ ఓపెన్ సెమీస్ లో సెరెనా

Posted: 10/17/2013 07:11 PM IST

పట్టుదల ఉంటే వయస్సు అడ్డంకి కాదు అని నిరూపిస్తుంది అమెరికా నల్లుకలువ భామ సెరెనా విలియమ్స్. ప్రస్తుతం జరుగుతున్న యూఎస్ ఓపెన్ లో మూడు పదుల వయస్సు దాటినా నాలో ఏ మాత్రం సత్తువ తగ్గలేదు అని నిరూపిస్తుంది. ఈ యూఎస్ ఓపెన్ లో ప్రత్యర్థుల్ని చీల్చి చెండాడుతూ టైటిల్ కి రెండు అడుగుల దూరంలో నిలిచిన ఈ భామ నిన్న క్వార్టర్ ఫైనల్లో కార్లా నవారోతో జరిగిన మ్యాచ్ లో తన విశ్వరూపాన్ని చూపించి సెమీస్ కి దూసుకెళ్లింది. ఏకపక్షంగా జరిగిన మహిళల సింగిల్స్ క్వార్టర్ ఫైనల్లో ప్రపంచ నంబర్‌వన్ సెరెనా 6-0, 6-0తో 18వ సీడ్ కార్లా సురెజ్ నవారో (స్పెయిన్)ను చిత్తు చేసింది. కేవలం 52 నిమిషాల్లోనే ముగిసిన ఈ మ్యాచ్‌లో సెరెనా తన ప్రత్యర్థికి ఒక్క గేమ్ కూడా కోల్పోకపోవడం విశేషం. పదునైన సర్వీస్‌లకుతోడు శక్తివంతమైన గ్రౌండ్ స్ట్రోక్స్‌తో చెలరేగిపోయిన సెరెనాకు ఏ దశలోనూ ఇబ్బంది ఎదురుకాలేదు. నాలుగు ఏస్‌లు సంధించిన ఈ టాప్ సీడ్ ప్రత్యర్థి సర్వీస్‌ను ఆరుసార్లు బ్రేక్ చేసింది. కేవలం తొమ్మిది అనవసర తప్పిదాలు చేసిన ఈ డిఫెండింగ్ చాంపియన్ 20 విన్నర్ షాట్స్‌ను నమోదు చేసింది. గత కొన్ని రోజులుగా సంచలనాలు నమోదు చేయని సెరెనా ఈ యూఎస్ ఓపెన్ టైటిల్ నెగ్గి చరిత్ర స్రుష్టిస్తుందో చూడాలి.