అయేషా ముఖర్జీకి విడాకులిచ్చిన శిఖర్ ధావన్

Posted: 09/08/2021 01:22 PM IST

Shikhar dhawan aesha mukerji get divorced after 8 years of marriage

భారత క్రికెటర్‌, టీమిండియా డ్యాషింగ్ ఓపెనర్ శిఖర్‌ ధావన్‌ తన భార్య ఆయేషా ముఖర్జీతో విడిపోయాడు. ఈ విషయాన్ని తన ఇన్ స్టాగ్రామ్‌ ద్వారా ఆయేషా నిర్ధారించింది. వీరిద్దరికి 2012లో వివాహం కాగా... జొరావర్‌ అనే 7 ఏళ్ల కొడుకు ఉన్నాడు. మెల్ బోర్న్ కు చెందిన ఆయేషాకు శిఖర్ తో పరిచయం కాక ముందే పెళ్లయింది. ఆమెకు అప్పటికే ఇద్దరు కూతుళ్లు కూడా ఉన్నారు. అయితే వారిద్దరిని తన పిల్లలుగానే ప్రకటించిన ధావన్‌ బాధ్యతను కూడా తీసుకొని మెల్‌బోర్న్ లోనే స్థిర నివాసం ఏర్పరచుకున్నాడు.

వ్యక్తిగతంగా, తన కెరీర్‌ ఎదుగుదలలో ఆయేషా పాత్ర ఎంతో ఉందంటూ చాలా సందర్భాల్లో ప్రశంసలు కురిపించిన ధావన్‌ తమ అన్యోన్యతను ప్రదర్శిస్తూ వచ్చాడు. అయితే గత కొంత కాలంగా వీరిద్దరి మధ్య అభిప్రాయ భేదాలు పెరిగిపోయి దురదృష్టవశాత్తూ విడిపోయే పరిస్థితి వచ్చింది. జీవితంలో రెండోసారి తాను విడాకులు తీసుకోవాల్సి రావడంపై ఇన్ స్టాగ్రామ్‌ పోస్ట్ లో ఆయేషా తన ఆవేదనను వ్యక్తం చేసింది. విడాకులు అన్న పదమే అపరిశ్రుభమనుకున్న తాను జీవితంలో రెండోసారి దానిని చవిచూడాల్సి వచ్చిందని అవేధన వ్యక్తం చేసింది.