పంత్ స్థానంలో దినేశ్ కార్తీక్.. ఎందుకంటే..

Posted: 05/15/2019 10:16 PM IST

ఐపీఎల్ లో మంచి ఫామ్ లో వున్న ఇండియన్ వికెట్ కీపర్, మిస్టర్ కూల్ మహేంద్ర సింగ్ ధోనికి తోడుగా ప్రపంచ కప్ లో టీమిండియా రెండో వికెట్ కీపర్ గా దినేష్ కార్తీక్ ను తీసుకోవడం బదులుగా మంచి ఫామ్ లో వున్న యువకుడైన రిషబ్ పంత్ ను ఎందుకు తీసుకున్నామన్న విషయమై టీమిండియా కెప్టన్ విరాట్ కోహ్లీ వివరణ ఇచ్చాడు. సెకండ్ వికెట్ కీపర్ గా రిషభ్ పంత్ ను కాదని దినేశ్ కార్తీక్ ను సెలెక్ట్ చేయడంపై పెద్ద ఎత్తున చర్చ జరుగుతోంది. దినేశ్ కార్తీక్ అనుభవాన్ని దృష్టిలో ఉంచుకుని అతన్ని ఎంపిక చేశామని ఇప్పటికే చీఫ్ సెలెక్టర్ ఎంఎస్కే ప్రసాద్ స్పష్టం చేశాడు.

తాజాగా ఇదే అంశంపై టీమిండియా కెప్టెన్ విరాట్ కోహ్లీ స్పందించాడు. దినేశ్ కార్తీక్ కు చాలా అనుభవం ఉందని, క్లిష్ట పరిస్థితుల్లో కూడా ఒత్తిడిని తట్టుకుని ఆడే సత్తా ఉందని... ఈ నేపథ్యంలోనే పంత్ ను కాదని అతన్ని సెలెక్ట్ చేశామని కోహ్లీ తెలిపాడు. వికెట్ కీపర్ గా ధోనీ వ్యవహరిస్తాడని... అనివార్య కారణాల వల్ల ధోనీ ఏదైనా మ్యాచ్ లో ఆడలేకపోతే దినేశ్ కార్తీక్ జట్టులోకి వస్తాడని చెప్పాడు. మ్యాచ్ ఫినిష్ చేయడంలో కార్తీక్ కి మంచి ట్రాక్ రికార్డ్ ఉందని తెలిపాడు.