సచిన్, గంగూలీల తరువాత వీవీఎస్ లక్ష్మణ్ కు బిసిసిఐ తాఖీదులు

Posted: 04/25/2019 06:06 PM IST

క్రికెట్ దిగ్గజం సచిన్ టెండూల్కర్, టీమిండియా మాజీ కెప్టెన్ సౌరవ్ గంగూలీల తరువాత తాజాగా మరో మాజీ దిగ్గజ అటగాడు వీవీఎస్ లక్ష్మణ్ లకు బీసీసీఐ అంబుడ్స్ మన్ నుంచి తాఖీదులు అందాయి. బిసిసిఐ ఎథిక్స్ కమిటీ సభ్యుడిగా కూడా వ్యవహరిస్తున్న రిటైర్డు న్యాయమూర్తి జస్టిస్ డీకే జైన్ నుంచీ ఈ దిగ్గజ త్రయానికి నోటీసులు జారీ చేశారు. క్రికెట్ అడ్వైజరీ కమిటీ సభ్యుడిగా, ముంబై ఇండియన్స్ ఐపీఎల్ ఫ్రాంచైజీ మెంటార్ గా రెండు లాభదాయకమైప పదవులను అనుభవిస్తున్నారంటూ నోటీసులు ఇచ్చారు. ఏప్రిల్ 28 లోగా నోటీసులకు లిఖితపూర్వకంగా సమాధానం చెప్పాలని నోటీసులో కోరారు.

సచిన్ టెండుల్కర్ కు నోటీసులు జారీ చేసే ముందుగానే టీమిండియా మాజీ కెప్టెన్ సౌరవ్ గంగూలికి కూడా ఆయన ఈ మేకు నోటీసులు జారీ చేశారు. క్యామ్ అధ్యక్షుడిగా, క్రికెట్ అడ్వైజరీ కమిటీ సభ్యుడితో పాటు ఢిల్లీ క్యాపిటల్స్ ఫ్రాంచైజీలతో కూడా జతకట్టినట్టుగా వస్తున్న వార్తలపై సమాధానం చెప్పాలని గంగూలీకి అంబుడ్స్ మెన్ నోటీసులు జారీ చేశారు. కాగా తాజాగా హైదరాబాదీ అటగాడు వీవీఎస్ లక్ష్మణ్ కు కూడా ఆయన నోటీసులు జారీ చేశారు.

లక్ష్మణ్ కూడా క్రికెట్ అడ్వైజరీ కమిటీ సభ్యుడిగా కోనసాగుతూ.. అటు సన్ రైజర్స్ హైదరబాబ్ జట్టుకు కూడా అడ్వైజర్ గా వ్యవహరిస్తున్నట్లు వస్తున్న వార్తల నేపథ్యంలో ఈ నోటీసులు జారీ చేశారు. ఈ ముగ్గురికి జారీ చేసిన నోటీసులపై నిర్ణీత గడువులోగా స్పందించాలని పేర్కోన్నారు. లేనిపక్షంలో... ఆ తర్వాత వివరణ ఇచ్చేందుకు అవకాశం ఉండబోదని చెప్పారు. నోటీసుకు సంబంధించిన ఒక కాపీని బీసీసీఐకి కూడా పంపించారు. అయితే ఈ త్రయం బిసిసిఐతో ఒకటికి మించిన లాభదాయక పదవులను అనుభవిస్తున్నారని మధ్యప్రదేశ్ కు చెందిన సంజీవ్ గుప్తా అనే క్రికెటర్ పిర్యాదు నమోదు చేసిన నేపథ్యంలో అంబుడ్స్ మెన్ ఈ మేరకు దిగ్గజ ఆటగాళ్లకు నోటీసులు జారీ చేసింది.