రిషబ్ పంత్ పై శిఖర్ ధావన్ ప్రశంసలు..

Posted: 11/12/2018 05:42 PM IST

Dhawan hails rishabh pant after thrilling win over wi

చెన్నె వేదికగా జరిగిన టీ20 చివరి మ్యాచ్ లో టీమిండియా జట్టు రసవత్తరమై పోరులో విజయం సాధించిన తరువాత భారత వికెట్ కీపర్, యువ హిట్టర్ రిషబ్ పంత్ చాలా బాగా ఆడాడని ఓపెనర్ శిఖర్ ధావన్ ప్రశంసించాడు. 182 పరుగుల లక్ష్యాన్ని శిఖర్ ధావన్ (92: 62 బంతుల్లో 10x4, 2x6), రిషబ్ పంత్ (58: 38 బంతుల్లో 5x4, 3x6) దూకుడుగా ఆడటంతో భారత్ జట్టు ఆఖరి బంతికి ఛేదించిన విషయం తెలిసిందే.

చేజింగ్ లో కెప్టెన్ రోహిత్ శర్మ (4), కేఎల్ రాహుల్ (17) తక్కువ స్కోరుకే పెవిలియన్‌కి చేరిపోయినా.. ధావన్-పంత్ జోడి మూడో వికెట్‌కి అభేద్యంగా 130 పరుగుల భాగస్వామ్యం నెలకొల్పడంతో టీమిండియా విజయం ఖాయమైంది. మ్యాచ్ అనంతరం శిఖర్ ధావన్ మాట్లాడుతూ ‘రిషబ్ పంత్ చాలా చక్కగా ఆడాడు. స్పిన్నర్లు, పేసర్లని సమర్థంగా ఎదుర్కొన్న పంత్ కొన్ని చూడచక్కని సిక్సర్లు కూడా బాదాడు అని కితాబిచ్చాడు.

ఇక ఈ మ్యాచుతో పాటు సిరీస్ లో నేను కూడా మంచి స్కోరు సాధించగలిగాను. ఛేదన ఆరంభంలోనే రెండు కీలక వికెట్లు చేజారడంతో.. సీనియర్ బ్యాట్స్‌మెన్‌గా ఆఖరి వరకూ నేను క్రీజులో ఉండాలని నాకు తెలుసు. పంత్‌తో కలిసి బ్యాటింగ్ చేయడాన్ని బాగా ఆస్వాదించా. ఐదు వన్డేల సిరీస్‌లో 154 పరుగులే చేయడంతో నాపై విమర్శలు గుప్పించారు. కానీ.. వాటిని నేను పట్టించుకోలేదు. మళ్లీ ఫామ్ అందుకున్నందుకు సంతోషంగా ఉంది’ అని శిఖర్ ధావన్ వెల్లడించాడు.

FIFTY!@RishabPant777 joins the party and brings up his 1st T20I half-century.#TeamIndia 152/2 after 16 overs, need 29 more runs to win this game #INDvWI pic.twitter.com/xhRAt7Rbw6