ఆ వన్డేలలో భువి, బూమ్రాలకు స్థానం.. పృధ్వీ షా కు నిరాశ

Posted: 10/25/2018 06:56 PM IST

వెస్టిండీస్ తో జరుగుతున్న వన్డే సిరీస్ మిగతా మూడు మ్యాచ్ ల కోసం సెలక్షన్ కమిటీ జట్టుని ప్రకటించింది. యువ ఓపెనర్ పృథ్వీ షాకు జట్టులో చోటు దక్కలేదు. ప్రస్తుతం దియోదర ట్రోఫీలో ఇండియా ఏ జట్టుకు ప్రాతినిథ్యం వహిస్తున్న షా.. నిన్నటి మ్యాచ్ లో గాయపడ్డటం కారణంగా ఆయనను ఎంపిక చేయలేదని సమాచారం. అయితే గాయపడిన పృథ్వీషాను ఎంఆర్ఐ స్కానింగ్ కోసం పంపడంతో ఆయన దియోధర ట్రోఫీ నుంచి అకస్మికంగా వైదొలగాల్సి వచ్చింది.

దీంతో గాయపడిన పృధ్వీ షాకు వన్డేలలో స్థానం ఇవ్వలేని బిసిసిఐ ఆయనను పక్కనబెట్టిందని సమాచారం. ఇక పృధ్వీతో పాటు మొదటి రెండు మ్యాచుల్లో పెద్దగా ప్రభావం చూపని పేస్ బౌలర్ షమీని జట్టు నుంచి తప్పించారు. ఈ క్రమంలో జట్టులోకి యార్కర్ కింగ్ జస్ప్రీత్ బుమ్రా, స్వింగ్ ఆఫ్ సుల్తాన్ భువనేశ్వర్ కుమార్ లకు తిరిగి చోటు కల్పించారు. ఈ మార్పులు తప్పిస్తే మొదటి రెండు వన్డేల్లో ఆడిన మిగతా జట్టు సభ్యులను అలాగే ఉంచారు.

మూడు వన్డేలకు భారత జట్టు

విరాట్ కోహ్లీ (కెప్టెన్), రోహిత్ శర్మ (వైస్ కెప్టెన్), శిఖర్ ధావన్, అంబటి రాయుడు, రిషభ్ పంత్, ఎంఎస్ ధోనీ (వికెట్ కీపర్), రవీంద్ర జడేజా, కుల్దీప్ యాదవ్, యుజువేంద్ర చహల్, భువనేశ్వర్ కుమార్, జస్ప్రీత్ బుమ్రా, ఖలీల్, ఉమేష్ యాదవ్, కెఎల్ రాహుల్, మనీష్ పాండే