నెట్టింట రోహిత్ శర్మ ఏలియన్ లా డాన్సు వైరల్..

Posted: 04/02/2018 07:37 PM IST

టీమిండియా వైస్ కెప్టెన్, ఇక త్వరలో ఇండియన్ ప్రీమియర్ లీగ్ ప్రారంభమవుతున్న నేపథ్యంలో ముంబై ఇండియన్స్ జట్టు కెప్టెన్ కూడా అయిన రోహిత్‌ శర్మ చాలా సంతోషంగా వున్నాడు. ఇటీవల జరిగిన ముక్కోణపు సిరీస్ ను తన నేతృత్వంలో అందుకున్న నేపథ్యంలోనో లేక త్వరలో ప్రారంభం కానున్న ఐపీఎల్ నేపథ్యంలోనే తనలోని డ్యాన్సింగ్ కళలను విభిన్నంగా చాటుకున్నాడు. ఆయన డ్యాన్స్‌కు సంబంధించిన ఓ వీడియో ఇప్పుడు నెట్టింట్లో వైరల్‌గా మారింది. ఈ వీడియోలో రోహిత్‌ అచ్చు ఏలియన్‌లా డ్యాన్స్‌ చేశాడు.

రోహిత్‌ శర్మ తన ఇన్‌స్టాగ్రాం ఖాతా ద్వారా ఓ వీడియోను పంచుకున్నాడు. అందులో ఒక వైపు ఏలియన్‌ ఎలా డ్యాన్స్‌ చేస్తుందో అచ్చు అలాగే రోహిత్‌ కూడా చేశాడు. ఇప్పుడు ఈ వీడియో సామాజిక మాధ్యమాల్లో హల్‌చల్‌ చేస్తోంది. ‘రోహిత్‌ చాలా బాగా డ్యాన్స్‌ చేశాడు’ అంటూ నెటిజన్లు కామెంట్లు పెడుతున్నారు. మరో 5 రోజుల్లో ప్రారంభంకానున్న ఐపీఎల్‌కు రోహిత్‌ సిద్ధమవుతున్నాడు. ఇప్పటికే ముంబయిలోని వాంఖడే మైదానంలో ప్రాక్టీస్‌ సెషన్లలో రోహిత్‌ పాల్గొంటున్నాడు.

ఈ ఏడాది కూడా విజేతగా నిలవాలన్న పట్టుదలతో ముంబయి ఇండియన్స్‌ అడుగులేస్తోంది. ఏప్రిల్‌ 7న ఐపీఎల్‌ ప్రారంభంకానుంది. తొలి మ్యాచ్‌లో గత ఏడాది విజేతగా నిలిచిన ముంబయి ఇండియన్స్‌.. చెన్నై సూపర్‌ కింగ్స్‌తో తలపడనుంది. ఐపీఎల్‌ ప్రారంభ వేడుకలకు రోహిత్‌ శర్మ, మహేంద్ర సింగ్‌ ధోనీ మాత్రమే హజరవుతున్నారు. పలు కారణాల వల్ల ఇతర జట్ల కెప్టెన్లు హాజరుకాలేరని ఐపీఎల్‌ నిర్వాహకులు గతంలో వెల్లడించిన సంగతి తెలిసిందే.

 

Tried my hand at the #DanceWithAlien challenge #DameTuCoSita on the musical.ly app! Download the musical.ly app to try the #DanceWithAlien challenge @musical.lyindiaofficial

A post shared by Rohit Sharma (@rohitsharma45) on Mar 31, 2018 at 3:51am PDT