శ్రీలంకపై టీమిండియా చారిత్రాత్మక విజయం..

Posted: 11/27/2017 02:33 PM IST

Ind win by innings and 239 runs against sri lanka

ఈడెన్ గార్డెన్స్ వేదికగా భారత్-శ్రీలంక మధ్య జరుగిన తొలి టెస్టులో విజయం అంచుల వరకు చేరిన టీమిండియాకు బ్యాడ్ లైట్ రూపంలో వాతావరణం అనుకూలించక గెలుపును చేజార్చుకున్న విరాట్ సేన.. నాగ్ పూర్ లో మాత్రం చారిత్రాత్మక విజయాన్ని నమోదు చేసింది. అటు బ్యాటింగ్ తో పాటు ఇటు బౌలింగ్ లోనూ.. మరోవైపు అన్ ఫీల్డ్ లోనూ సమిష్టింగా రాణించిన టీమిండియా.. అద్వితీయ అటతీరుతో అకట్టుకుంది. టెస్టు క్రికెట్ లో తమకు తిరుగులేదని చెప్పనకనే చెప్పేసింది.

వికెట్ నష్టానికి 21 పరుగుల ఓవర్ నైట్ స్కోరుతో బరిలోకి దిగిన శ్రీలంక జట్టును మధ్యాహ్నం లంచ్ విరామం పూర్తైన కాసేటికి అలౌట్ అయ్యింది. దీంతో ఇన్నింగ్స్ 239 పరుగుల భారీ విజయంతో భారత్ టెస్టు క్రికెట్ చరిత్రలోనే అతిపెద్ద రికార్డును సమం చేసింది. రెండో టెస్టు మ్యాచులో శ్రీలంకపై టీమిండియా పూర్తి అదిపత్యాన్ని ప్రదర్శించింది. లంకేయులను చిత్తగా ఓడించి విజయాన్ని అందుకుంది. దీంతో 2007లో ద్రావిడ్ నేతృత్వంలోని జట్టు బంగ్లా జట్టుపై సాధించిన స్కోరునే రిపీట్ చేసింది.

239 పరుగులకు బదులు 240 పరుగులతో విజయాన్ని నమోదు చేసివుంటే దశాబ్దకాలం నాటి రికార్డును బద్దలుకొట్టి విరాట్ సేన తన పేరును సువర్ణాక్షరాలతో లిఖించుకునే అవకాశాన్ని చేజార్చుకంది. భారత బౌలర్లను ఎదుర్కోనడంలో లంకేయులు పూర్తిగా విఫలమయ్యారు. అటు స్పిన్ ఇటు పేస్ తో టీమిండియా బౌలర్లు విజృంభించారు. ఈ మ్యాచులో రవిచంద్రన్ అశ్విన్ నాలుగు వికెట్లను పడగొట్టడం ద్వారా 300 వికెట్ల క్లబ్ లో చేరాడు. ఈ టెస్టులో ఐదో పర్యాయం డబుల్ సెంచరీ సాధించిన విరాట్ కోహ్లీకి మ్యాన్ అఫ్ ది మ్యాచ్ అవార్డు లభించింది.

జట్టు స్కోర్లు
శ్రీలంక తొలి ఇన్నింగ్స్‌: 205/10 (79.1 ఓవర్లకు)
భారత్‌ తొలి ఇన్నింగ్స్‌ : 610/6 డిక్లేర్‌ (176.1 ఓవర్లకు)
శ్రీలంక రెండో ఇన్నింగ్స్‌ : 166/10 (49.3 ఓవర్లకు)