కొచ్చి టస్కర్స్ కు.. బిసిసిఐ రూ.850 కోట్లు పరిహారం

Posted: 10/24/2017 08:34 PM IST

బీసీసీఐ నోట్లో పచ్చి వెలక్కాయ పడినట్లు అయ్యింది. ఐపీఎల్ లో అడిన జట్టును అర్థాంతరంగా తొలగించినందుకు ఇప్పడు అక్షరాలు రూ.850 కోట్లు పరిహారంగా చెల్లించాల్సి వస్తోంది. దీంతో బిసిసిఐ ఖజానాపై తీవ్ర ప్రభావం పడనుంది. ట్రిబ్యూనల్ ఇచ్చిన తీర్పుకు తల్గొగి వుండి వుంటే.. సమస్య తక్కువ మొత్తంలోనే ఎప్పుడో సద్దుమణిగేది. అలాకాకుండా నాన్చివేత ధోరణి అవలంభించడంతో పాటు భారత క్రికెట్ నియంత్ర మండలి అధికారులు నిర్లక్ష్యం.. నిర్లిర్తత స్వభావం కూడా కలసి ఇప్పుడు పెద్దమొత్తంలో డబ్బును విధిలించాల్సిన అవసరం ఏర్పడింది.

ఇండియన్ ప్రీమియర్ లీగ్ నుంచి 2011లో రద్దు చేసిన కోచి టస్కర్ కేరళ ఫ్రాంచైజీకి రూ.800 కోట్ల కన్నా ఎక్కువ పరిహారం చెల్లించాల్సిన పరిస్థితిలోకి చేరకుంది బీసీసీఐ. ‘కోచి టస్కర్స్ రూ.850 కోట్ల పరిహారం చెల్లించాలని డిమాండ్ చేసింది. దీన్ని మేం ఐపీఎల్ జీసీ సమావేశంలో చర్చించాం. ఇప్పుడు సర్వసభ్య సమావేశం ముందు సమస్యను ఉంచాలపి నిర్ణయించాం. ఇక తుది నిర్ణయం వారు తీసుకోవాల్సిందే. ఐతే బేరసారాల తప్పక ఉంటాయని ఐపీఎల్ ఛైర్మన్ రాజీవ్ శుక్లా అన్నారు.

2011లో కోచి టస్కర్‌ ఫ్రాంచైజీ ఒప్పందాన్ని రద్దు చేయడంతో బ్యాంకు గ్యారెంటీ సొమ్ము తీసుకుంటామని ఆ జట్టు యాజమాన్యం కోరింది. అందుకు బీసీసీఐ ఒప్పుకోకుండా మొండితనంతో వ్యవహరించిన బీసీసీఐ. దీంతో ఆర్బిట్రేషన్‌ కోర్టుకు వెళ్లింది కోచి అక్కడ న్యాయం జరిగింది. అయినా బిసిసిఐ దిగిరాకపోవడతో.. కోచి ఆర్‌సీ లహోఠి నేతృత్వంలోని ఆర్బిట్రేషన్ కమిటీని అశ్రయించింది. అక్కడా కోచికి అనుకూలంగానే తీర్పువచ్చినా.. రెండేళ్ల నుంచి నాన్చుతూరావడంతో ఇప్పుడు తప్పక రూ.850 కోట్లు పరిహారంగా చెల్లించాల్సిన పరిస్థితి ఏర్పడింది.