కీలక మ్యాచ్ ఓటమితో ఏడ్చేసిన లేడీ గంగూలీ

Posted: 07/15/2017 01:17 PM IST

ఐసీసీ మహిళల వన్డే ప్రపంచకప్‌ కు ఈ సారి అదరణ బాగానే వుంది. మరీ ముఖ్యంగా ఇందుకు టీమిండియా కెప్టెన్ మిథాలీరాజ్ చేసిన వ్యాఖ్యలు కూడా కారణం. మీకు ఏ క్రికెటర్ ఇష్టం అని అడిగిన మీడియా ప్రతినిదిపై ప్రశ్నల వర్షం కురిపించడంతో దేశంలోని క్రికెట్ అభిమానులు మహిళా క్రికెట్ ను కూడా టీవీలో వీక్షిస్తున్నారు. అయితే ఈ అదరణకు తోడు టీమిండియా మ్యాచ్ లను మాత్రం కుర్రకారు అస్సలు మిస్ అవ్వడం లేదు. అందుకు కారణం టీమిండియా క్రికెట్ లో అందాల రాసీ.. అద్భుతమైన ప్రదర్శన చేస్తుంటే.. ఎవరు మాత్రం మిస్ అవుతారు.

ఇక దీనికి తోడు అమెకు అటు ప్రపంచకప్ కు అతిధ్యమిస్తున్న ఇంగ్లాండ్ లో కూడా యువత ఫాలోయింగ్ అధికంగా వుండి భారత్ మ్యాచ్ లకు మాత్రం పెద్దసంఖ్యలో అభిమానులు వస్తున్నారని కూడా వార్తలు వచ్చాయి. తొలి మ్యాచులో 90, రెండో మ్యాచులో శతకం చేసి కుర్రకారు మతి పోగొట్టిన క్రికెటర్ అమె. ఇంతకీ అమె ఎవరు అంటున్నారా..? ఇంకెవరు స్మృతి మందాన. అయితే రెండు మ్యాచులలో తన ప్రదర్శనతో మెప్పించిన మంధన.. ఆ తరువాత జరిగిన నాలుగు మ్యాచుల్లోనూ సింగిల్‌ డిజిట్‌ పరుగులకే పరిమితమైంది.