చారిత్రాత్మక టెస్టులో అరుదైన రికార్డుకు చేరువలో అశ్విన్

Posted: 09/17/2016 09:02 PM IST

Ashwin set to break waqar younis test record

భారత క్రికెట్ ప్రధాన స్పిన్ అస్త్రం రవిచంద్రన్ అశ్విన్ ఇటీవల అద్భుత ప్రదర్శనతో రికార్డుల మీద రికార్డులు సృష్టిస్తున్నాడు. మూడు ఫార్మెట్లలో అశ్విన్ రాణిస్తున్నా.. బౌలర్ ప్రతిభకు కొలమానం, క్రికెట్ ఆటగాళ్ల నైపుణ్యానికి పరీక్షగా నిలచే టెస్టు మ్యాచ్ లేనన్న విషయం క్రికెట్ దిగ్గజాలు అంగీకరించే నిజం. ఐదు రోజుల మ్యాచ్ లో ఇటు బౌట్స్ మెన్ సహా అటు బౌలర్ రాణించాలంటే కూడా ఇదే మంచి వేదిక. ఇక ఈ ఫార్మెట్ లో మంచి ఊపుమీదున్న అశ్విన్‌ను మరో రికార్డ్ ఊరిస్తోంది.

అతితక్కువ మ్యాచుల్లో 200 టెస్టు వికెట్లు సాధించిన బౌలర్‌గా రికార్డును సొంతం చేసుకునే అవకాశం ఉంది. ఇప్పటివరకూ కేవలం 36 మ్యాచులు మాత్రమే ఆడిన అశ్విన్ 193 వికెట్లను సాధించాడు. అత్యంత వేగవంతంగా 200 టెస్టు వికెట్లు సాధించిన బౌలర్ల జాబితాలో ఆస్ట్రేలియా మాజీ లెగ్ స్పిన్నర్ క్లారీ గ్రెమెట్ తొలి స్థానంలో ఉన్నాడు. ఆస్ట్రేలియా దిగ్గజ ఆటగాడు డెన్నీస్ లిల్లీ, పాకిస్తాన్ మాజీ పేసర్ వకార్ యూనిస్ పేరిట ఉంది. వీరిద్దరూ 38 టెస్టుల్లో 200 వికెట్లు సాధించి సంయుక్తంగా రెండో స్థానంలో ఉన్నారు.

కాగా, ఈ నెల 22న (గురువారం) న్యూజిలాండ్తో జరిగే టెస్టు మ్యాచ్ అశ్విన్కు 37వది కావడంతో వకార్ రికార్డును అశ్విన్ బ్రేక్ చేసే అవకాశం ఉంది. వెస్టిండీస్‌తో జరిగిన గత సీరీస్‌లో రెండు సెంచరీలు, 17 వికెట్లతో పలు రికార్డులను సొంతం చేసుకున్న అశ్విన్ న్యూజీలాండ్ తో జరగనున్న చారిత్రాత్మక 500 టెస్టులో 200 వికెట్లు సాధించించాలని అయన అభిమానులు, టీమిండియా అభిమానులు అశిస్తూ అశ్విన్ కు అల్ ది బెస్ట్ చెబుతున్నారు.