ఐసీసీ వరల్డ్ కప్ కు డూడుల్ తో గూగుల్ స్వాగతం..

Posted: 03/07/2016 02:38 PM IST

ప్రఖ్యాత సెర్చ్ ఇంజన్‌, అంతర్జాల దిగ్గజం గూగుల్‌కు కూడా క్రికెట్ ఫీవర్ అంతర్జాతీయ క్రికెట్ మండలి ఆధ్వర్యంలో మంగళవారం నుంచి ప్రారంభం కానున్న ఐసీసీ టీ20 క్రికెట్‌ ప్రపంచకప్‌ కు ఒక రోజు ముందుగానే స్వాగతం పలుకింది. ఈ మేరకు గూగుల్‌ తన హోంపేజీలో ప్రత్యేక డూడుల్‌ ఏర్పాటుచేసింది. ఇప్పటికే భారత్ సహా అసియా దేశాల అభిమానులకు ఆసియాకప్ టీ-20 టోర్నమెంటు కనువిందు చేసింది.

కాగా ఈ టోర్నమెంటు ముగిసిన ఒక్క రోజు తరువాత ప్రపంచ కప్ టీ20 టోర్నీ ఆరంభం కావడం.. ఏప్రిల్‌ 3 వరకు కొనసాగనుండటంతో అభిమానుల వేసవి ఆనందానికి అవధులు లేకుండా వున్నాయి. భారత్ వేదికగా జరగుతున్న ఈ మెగా ఈవెంట్పై సర్వత్రా ఆసక్తి నెలకొంది. ఈ నేపథ్యాంలో టి-20 ప్రపంచ కప్నకు స్వాగతం పలుకుతూ ఆరంభానికి ఒక్క రోజు ముందు గూగుల్ హోం పేజీలో కొత్త డూడుల్ను పోస్ట్ చేసింది.

స్టేడియంలో క్రికెట్ ఆడుతున్నట్టుగా ఉన్న దృశ్యం గూగుల్ డూడుల్లో కనిపిస్తుంది. భారత్‌లోని ఏడు వేదికలలో జరగనున్న ఈ మ్యాచ్‌లలో 16 జట్లు పాల్గొంటున్నాయి. ప్రారంభ మ్యాచ్‌లు రేపు నాగ్‌పూర్‌లో జరగనున్నాయి. మధ్యాహ్నం 3 గంటలకు జింబాబ్వే-హాంగ్‌కాంగ్‌, సాయంత్రం 7.30 గంటలకు స్కాట్లాండ్‌-ఆఫ్ఘనిస్థాన్‌ తలపడునున్నాయి.

జి మనోహర్