ఇంగ్లాండ్ తో టెస్టులో సఫారీలకు షాక్..

Posted: 12/30/2015 05:52 PM IST

Moeen ali spins england to crushing win against south africa

టెస్టు క్రికెట్లో నెంబర్ వన్ స్థానంలో కొనసాగుతున్న దక్షిణాఫ్రికాకు మరో షాక్ తగిలింది. భారత్ తో జరిగిన మండేలా గాంధీ సిరీస్ లో వన్డేలు, టీ-20 ఫార్మెట్ల ధోనిసేనపై సునాయాసంగా గెలిచి విజయదరహాసం ఎగురవేసిన సఫారీలు.. టెస్టులలో మాత్రం బోర్లా పడ్డారు.

నాలుగు టెస్టుల సిరీస్ లలో ఒకటి రద్దుకావడంతో జరిగిన మూడు టెస్టులలో ఓటమినే చవిచూశారు. అయినా ఆ తరువాత ప్రకటించిన ఐసిసీ ర్యాంకింగ్ లలో ప్రపంచ అత్యుత్తమ టెస్టు జట్లలో గతంలో తాము సంపాదించిన పాయింట్ల నేపథ్యంలో నెంబర్ వన్ ర్యాంకింగ్

లోనే కొనసాగుతున్నారు.

అదే ఉత్సహంతో ఇంగ్లాండ్ సిరీస్ కు వెళ్లిన సఫారీలలకు తొలి టెస్టులో చతికిలపడింది. తొలిటెస్టులో ఇంగ్లండ్ 241 పరుగుల భారీ తేడాతో ఘనవిజయం సాధించింది. నాలుగు టెస్టుల సిరీస్లో భాగంగా తొలి మ్యాచ్లో విజయాన్ని అందుకున్న ఇంగ్లాండ్ సఫారీలపై

అధిక్యాన్ని కనబర్చింది. ఈ సిరీస్లో ఇంగ్లండ్ 1-0తో ముందంజ వేసింది. సఫారీలు గత ఐదు టెస్టుల్లో నాలుగింటిలో ఓటమి చవిచూడటం గమనార్హం. భారత్తో టెస్టు సిరీస్ను 0-3లో సఫారీలు ఓడిన సంగతి తెలిసిందే.

ఇంగ్లండ్తో తొలి టెస్టు చివరి రోజు బుధవారం 416 పరుగుల లక్ష్యంతో బరిలో దిగిన సఫారీలు 174 పరుగులకు కుప్పకూలారు. ఇంగ్లండ్ బౌలర్లు ఫిన్ నాలుగు, అలీ మూడు వికెట్లు పడగొట్టారు. దక్షిణాఫ్రికా జట్టులో ఓపెనర్ ఎల్గర్ (40) టాప్ స్కోరర్. తొలి ఇన్నింగ్స్ల్లో ఇంగ్లండ్

303, దక్షిణాఫ్రికా 214 పరుగులు చేయగా, రెండో ఇన్నింగ్స్లో ఇంగ్లండ్ 326 పరుగులు చేసింది.